Lokali
FILMAT: żagħżugħ ta’ 20 sena jindarab wara li baqa’ dieħel f’siġra fil-Floriana

Żagħżugħ ta’ 20 sena mill-Mosta ndarab f’inċident tat-traffiku li seħħ tard illejla ħdejn Bieb il-Bombi fil-Floriana. Tvm.com.mt jinsab informat li l-inċident seħħ għall-ħabta tat-tmienja fi Triq Nazzjonali meta għal xi raġuni s-sewwieq tilef il-kontroll u baqa’ dieħel f’siġra wara li baqa’ tiegħla fuq il-bankina. Huwa kien qed isuq fid-direzzjoni mill-Ħamrun lejn il-Belt Valletta. Fuq il-post kellhom jissejħu ħaddiema mid-dipartiment tal-protezzjoni ċivili li ħadu aktar minn tliet kwarti biex ħarġu lill-vittma mill-karozza minħabba l-ġrieħi li ġarrab. Tfajla ta’ 20 sena mill-Mosta, li kienet passiġġiera fl-istess karozza ħelsitha ħafif iżda qed issofri minn qatgħa kbira. Fuq il-post issejjaħ tim mediku mill-isptar Mater Dei li ħadu liż-żewġ persuni l-isptar.  Il-kundizzjoni tas-sewwieq għadha mhix magħrufa. Il-Pulizija qed tinvestiga l-każ.

 

Aħbarijiet Oħra
Lokali

Ilhom snin twal ikerrħu l-ambjent f’ċerti inħawi, iżda huma meħtieġa biex jitwassal servizz essenzjali: l-elettriku. Qed nirreferu għal arbli fil-kampanja b’cables imdendla magħhom. Li fihom tajjeb hu li jista’ jasal…

Lokali

Il-midja Taljana qed tkompli tirrapporta bi prominenza l-arrest ta’ Darren Debono ta’ 43 sena, li nqabad f’lukanda f’Lampedusa wara li kien imfittex b’rabta ma’ kuntrabandu tal-fjuwil mil-Libja. Debono, li kien…

Lokali

Jonathan Felice intbagħat disa’ snin ħabs wara li tilef l-appell b’rabta ma’ serqa bil-vjolenza li seħħet f’Ġunju 2006, meta huwa kien għad kellu 17-il sena. Dak iż-żmien anzjana ta’ 81…

Lokali

Il-Gvern ħabbar id-dettalji tar-rigal ta’ €1 miljun li se jkun offrut lil min jikxef informazzjoni konkreta li twassal biex ikun solvut il-qtil ta’ Daphne Caruana Galizia. Fi stqarrija l-Gvern qal…

Aktar