Qorti
Raġel mixli bil-qtil ta’ mara fuq sewqan traskurat, meħlus mill-arrest

Raġel Norveġiż ta’ 43 sena, li jgħix fil-Kerċem, Għawdex tressaq il-qorti fuq akkużi li saq b’mod traskurat u perikoluż u li kkaġuna l-mewt ta’ mara ta’ 41 sena mis-Swieqi.

Il-każ imur lura għas-16 ta’ Awwissu 2019, meta Amerikan ta’ 47 sena residenti s-Swieqi, Ġermaniż ta’ 51 sena residenti x-Xagħra Għawdex u żewġ subien ta’ 9 snin u 14-il sena residenti n-Nadur Għawdex ġarrbu ġrieħi gravi f’inċident tat-traffiku f’Għajnsielem.

Huwa ġie akkużat ukoll li kkaġuna ġrieħi ta’ natura ħafifa fuq mara mill-Kanada ta’ 45 sena, fuq tifel ta’ 12-il sena u fuq raġel ta’ 36 sena
residenti n-Nadur Għawdex minħabba li saq b’mod negligenti, traskurat u perikoluż.

In-Norveġiż ġie akkużat ukoll li saq taħt l-effett tax-xorb, u li qabeż il-limitu ta’ veloċità filwaqt li kkawża ħsarat fuq vettura oħra għad-danni ta’ terza persuna.

L-imputat wieġeb mhux ħati għall-akkużi miġjuba kontrih u ngħata l-ħelsien mill-arrest fuq diversi kundizzjonijiet tal-Qorti.

Il-Qorti ġiet ippreseduta mill-Maġistrat P. Coppini mentri l-prosekuzzjon tmexxiet mill-Ispettur J. Gauci.

Ara wkoll:

Tmut il-mara li ndarbet serjament f’ħabta f’Għajnsielem

Ivy Evison hija l-mara li tilfet ħajjitha fl-inċident f’Għajnsielem

Aħbarijiet Oħra
Qorti

Żewġ xufiera ta’ coach inżammu arrestati fuq akkużi li kellhom x’jaqsmu sesswalment ma’ tifla ta’ 15-il sena li kienu jwassluha l-iskola. Il-Qorti semgħet kif Nidhin Eldhose ta’ 32 sena u…

Kostruzzjoni

Il-Gvern qed jikkunsidra diversi alternattivi għall-isfida tal-iskart tal-kostruzzjoni. Il-Prim Ministru Joseph Muscat insista li fl-immedjat, l-industrija tal-kostruzzjoni trid terfa’ r-responsabbiltà tagħha. Żied jgħid li jridu jinstabu soluzzjonijiet aktar fit-tul fost…

Qorti

Il-mara mis-Serbja li iktar kmieni din is-sena nstabet ħatja li ħaqret żewġ anzjani sakemm mietu, kellha l-piena ta’ ħabs imnaqqsa mill-Qorti tal-Appell. F’April li għadda Dragana Mijalkovic kienet ikkundannata ħames…

Politika

Il-Kap tal-Oppożizzjoni u tal-Partit Nazzjonalista, Adrian Delia, appella lill-Gvern biex jgħin bi kwalunkwe mod possibbli biex itaffi xi ftit mill-piżijiet finanzjarji meħtieġa biex jitmexxa s-santwarju tal-Arka ta’ Noe fil-Mellieħa fejn…

Aktar