Qorti
Raġel mixli b’serqa ta’ €30 jibqa’ arrestat

Raġel Serb ta’ 40 sena li kien qed jaħdem b’mod irregolari f’ristorant baqa’ miżmum arrestat wara li tressaq il-Qorti mixli li seraq €30 minn ristorant ieħor.

Il-Qorti ppreseduta mill-Maġistrat Donatella Frendo Dimech, ċaħdet il-ħelsien mill-arrest minħabba r-riskju li l-akkużat jerġa’ jmur jaħdem b’mod irregolari u b’hekk ikun qed jikser kundizzjoni tal-libertà proviżorja li ma jagħmilx reat ieħor.

Stojan Zubic qal fil-Qorti li ilu jgħix Malta għal dan l-aħħar xahar u beda jaħdem fir-restorant f’San Ġiljan għal dawn l-aħħar ħmistax mingħajr permess tax-xogħol. Hu kien akkużat li daħal f’ristorant f’Marsaskala fis-sigħat bikrin ta’ filgħodu sbieħ id-9 ta’ Settembru u seraq €30 mill-cash register. Il-prosekuzzjoni ppreżentat lill-Qorti filmati tas-CCTV li juru lill-akkużat jidħol fir-ristorant u jisraq il-flus.

Zubic wieġeb li mhux ħati tal-akkużi kontrih u qal li hu faċli jidher f’filmat tas-CCTV għaliex spiss imur jimxi tard bil-lejl fl-inħawi.

Aħbarijiet Oħra
Qorti

Reklam fuq Malta Park biex ibiegħ oġġetti misruqa reġa’ daħħal lil Ronald Baldacchino minn Ħal Qormi f’xebgħa inkwiet. Baldacchino tressaq il-qorti u ġie mixli li seraq apparat mużikali tal-band Cryptic…

Pulizija

Il-Korp tal-Pulizija qal li sal-bidu tas-sena d-dieħla d-Dipartiment tal-Investigazzjonijiet tar-Reati Finanzjarji se jiġi rilokat f’binja ġdida ta’ tliet sulari f’Santa Venera. F’reazzjoni għar-rapport tal-kumitat tal-kunsill tal-Ewropa kontra l-ħasil tal-flus, MONEYVAL,…

Qorti

Żewġ xufiera ta’ coach inżammu arrestati fuq akkużi li kellhom x’jaqsmu sesswalment ma’ tifla ta’ 15-il sena li kienu jwassluha l-iskola. Il-Qorti semgħet kif Nidhin Eldhose ta’ 32 sena u…

Kostruzzjoni

Il-Gvern qed jikkunsidra diversi alternattivi għall-isfida tal-iskart tal-kostruzzjoni. Il-Prim Ministru Joseph Muscat insista li fl-immedjat, l-industrija tal-kostruzzjoni trid terfa’ r-responsabbiltà tagħha. Żied jgħid li jridu jinstabu soluzzjonijiet aktar fit-tul fost…

Aktar