Lokali
Raġel tilef siequ u ngħata oħra wara maratona tal-ġiri f’Tas-Sliema

Noel Cacciottolo li għalkemm tilef siequ ma qatax qalbu u ħa sehem f’maratona tal-ġiri sab xortih meta l-kundizzjoni tiegħu ġidbet l-attenzjoni ta’ prostetista Iżraeljan li offrielu bħala rigal sieq artifiċjali. tvm.com.mt segwa l-ħbiberija li nbniet bejnu u l-professjonista Iżraeljan.

Noel Cacciottolo ilu 5 snin li tilef sieq waħda kawza ta’ trombożi. Minkejja li ħajtu nbidlet, Noel baqa’ ddeterminat li jgħix ħajtu u anke jieħu sehem fil-maratoni tal-ġiri.

F’Marzu li għadda, Noel ha sehem f’maratona tas-Sliema bil-wheelchair, meta protetista Iżraeljan u missieru ammiraw l-kuraġġ tiegħu u rieduh jgħinu billi jagħmlulu sieq artifiċjali.

Israel Pilosoph. qal li “when I see an amputee sitting on a wheelchair it’s so hard to see, because I don’t see any reason why a guy like Noel, and that is why I wanted to see him walking again, dancing running, what he would like to do”.

Il-prostetista Israel Pilosph qalilna li għamel minn kollox biex isib lil Noel sakemm id-destin laqqgħu miegħu meta dan kien qed jistenna l-karozza tal-linja fil-venda tal-Belt.

Noel qal li kellu sieq artifiċjali, iżda minħabba problemi li kellu biha ma setax jużaha. Qalilna li din is-sieq artifiċjali ġdida hija rigal li qed tagħmillu differenza f’ħajtu.

Noel Cacciottolo qal li “nirringrazzjah li ltqajt miegħu b’kumbinazzjoni, kont għall-karozza tal-linja, u ltqajt miegħu u riedni nimxi, kont għadni kif għamilt il-maratona, u qed nimxi aħjar, u qed jirnexxili nimxi iżjed”.

Israel Pilosoph qalilna li f’Malta ilu madwar 6 snin u madwar id-dinja jmexxu l-filosofija li wieħed irid jagħti minn dak li għandu u jagħmel il-ġid fil-komunità, għax b’hekk biss wiehed isib il-kuntentizza kompleta.

Qalilna li tant saru avvanzi fil-qasam tal-prostezi li saħanitra qed isiru ukoll għall-annimali domestiċi. Stqarr is-sodisfazzjon tiegħu li b’sieq artifiċjali għen raġel li tilef sieq f’inċident gravi, iżda llum jitqies bħala żeffien professjonali.

 

Aħbarijiet Oħra
Kronaka

F’vidjo li qed jiċċirkola fuq il-midja soċjali, raġel jidher iwaddab il-petrol fuq karozza u jġibha ħuġġieġa nar. Kelliema għall-Pulizija ikkonfermat ma’ tvm.com.mt li l-każ seħħ il-Ħadd fit-tlieta neqsin kwart ta’…

Tfal

Ġimgħatejn ‘l bogħod mill-Milied, il-professjonisti u l-ħaddiema tal-Fondazzjoni għas-Servizzi ta’ Ħarsien Soċjali, l-FSWS sibnihom iħejju wħud mill-mijiet ta’ rigali li rċevew mingħand għexerien ta’ benefatturi li laqgħu l-istedina tal-Aġenzija Appoġġ…

Saħħa

Investiment ta’ nofs miljun ewro se jwassal għal-riforma fis-servizz respite għall-familji li jieħdu ħsieb l-anzjani qraba tagħhom f’darhom stess. Is-Segretarju Parlamentari għall-Persuni b’Diżabilità u Anzjanità Attiva Anthony Agius Decelis qal…

Annimali

BirdLife Malta varat kampanja biex il-pubbliku jibda jirrapporta l-‘bird callers’ – apparat elettroniku li jagħmel ħoss ta’ tisfir tal-għasafar u jintuża għall-kaċċa u l-insib. Fi stqarrija BirdLife saħqet li din…

Aktar