Lokali
Raġel u 2 itfal jintlaqtu minn karozza

Raġel u żewġt itfal ittajru minn karozza f’inċident li seħħ fi Triq il-Mosta f’Ħal Lija għall-ħabta tal-4pm.

Minn informazzjoni li kiseb Television Malta, jirriżulta li r-raġel – li huwa Serb ta’ 47 – jinsab fil-periklu tal-mewt. Huwa jgħix il-Gżira. It-tfal għandhom madwar 10 snin, u t-tfal ġarbu ġrieħi ħfief.

Il-vettura involuta fl-inċident kienet misjuqa miinn żagħżugħ ta’ 20 sena.

It-triq tinsab magħluqa bil-Maġistrat tal-Għassa Monica Vella ordnat inkjesta.