Kronaka
Raġel weġġa’ gravi wara li waqa’

Raġel qiegħed isofri minn ġrieħi gravi wara li waqa’ waqt li kien qed jiġri qalb l-għelieqi fl-akwati ta’ Triq il-Ħamri, Għajnsielem, Għawdex.

L-inċident seħħ ilbieraħ għall-ħabta tas-1.30pm.

Il-Pulizija tad-Distrett marru minnufih fuq il-post fejn minn stħarriġ preliminari rriżulta li r-raġel, li għandu 72 sena u residenti Għajnsielem, Għawdex, waqa’ waqt li kien qiegħed jiġri u sofra xi ġrieħi.

Surġent tal-Pulizija li kien ‘off duty’ ra l-inċident isir u intervjena immedjatament billi ta l-ewwel għajnuna kif ukoll ċempel għall-assisstenza.

Fuq il-post issejjaħ tim mediku u ambulanza li ħadet lill-vittma l-Isptar Isptar Ġenerali t’Għawdex għall-kura meħtieġa.

L-investigazzjonijiet tal-Pulizija dwar dan l-inċident qed jitmexxew mill-Pulizija tad-Distrett