Kultura
‘Rajtha u waqfitli qalbi’ – statwa tal-Madonna tirritorna f’niċċa isbaħ fil-Kappara

Statwa tal-Madonna li kellha tagħmel il-wisa’ għall-proġett tal-Kappara se tirritorna fl-inħawi f’niċċa ferm isbaħ.

Ix-xogħol fil-ġebla miexi ġmielu bil-għan li fi żmien tliet xhur, fil-ġenb tal-pont ikun hemm niċċa monumentali li tilqa’ l-istatwa tal-Madonna li tul is-snin kienet mezz ta’ devozzjoni u ġesti ta’ solidarjetà.

F’garaxx f’Ħal Qormi, Joseph Spiteri għaddej bit-tqattiegħ tal-ġebel għal niċċa monunmentali biex tilqa statwa tal-Madonna ta’ Lourdes, fil-ġenb tat-triq , ħdejn il-pont tal-Kappara. Hu spjega li x-xogħol qed jinħadem fil-ġebla tal-franka, flok fil-gagazza kif kienet in-niċċa li kien hemm fi Triq Reġjonali, ħdejn il-pixxina.

”Ikollok id-disinn lest u l-ordni fuq xhiex ha timxi, ikollok il-mollijiet tal-bidu. Imbagħad irid ikollok ċertu dixxiplina fuq ix-xogħol biex ma tħalli xejn jaħrablek u tersaq lejn il-perfezzjoni. Ix-xogħol imbagħad jitkellem għalik.”

Id-disinn sar mill-Perit Vincent Centorino, li qal hi fuq stil ta’ kappella klassika mnebbaħ minn skola tal-arti Franċiża li qajla intuża f’Malta.

”Għadna fil-parti t’isfel. Ovvjament iktar ma nitilgħu ‘l fuq hemm arezelel, volti żgħar, gwarniċuni, pedaments li huma ħafna iżjed ikkumplikati.”

In-niċċa li kien hemm fl-akkwati saret 26 sena ilu b’inizjattiva ta’ John Lauria mill-Gżira. Emozzjonat, hu qal li la darba tiġi inawgurata sakemm ittih saħħtu beħsiebu jżur in-niċċa kuljum.

‘Rajtha il-ġimgha li għaddiet u waqfitli qalbi. Immur kuljum żgur, qas jekk inkun b’wheelchair ukoll nitla’ dik wegħda. Inħalliha kemm jista’ jkun first class bid-devozzjoni.”

In-niċċa l-ġdida qed issir b’kollaborazzjoni bejn il-Ministru tat-Trasport u l-Infrastruttura u l-Kunsill Lokali tal-Gżira.

L-Uffiċjal fil-Ministeru tat-Trasport u l-Infrastruttura, Tano Vella qal ”bħala Ministeru ħadna ħsieb l-ippjanar tagħha, il-periti tagħna iddisinjawha u l-kunsill iffinanzjaha.”

Is-Sindku tal-Gżira, Conrad Borg Manche qal ”aħna ridna li ssir f’post addatat. Fejn kienet il-barrier ogħla, mhux aċċessibbli. Dak li jkun issa jista’ jipparkja jieqaf u jinżel ħdejha.”

In-niċċa mistennija tiġi inawgurata f’Mejju.

Aħbarijiet Oħra
Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Lokali

Waqt l-aħħar tislima li ngħatat lil Enrica lbieraħ fil-knisja ta’ San Ġiljan, inġabru €10,000 għal Puttinu Cares. Enrica kienet tgħożż il-familja ta’ Puttinu li tant tawha kuraġġ u sabar waqt…

Edukazzjoni

The Rotary Malta Clubs are calling for applications from residents of Malta wishing to pursue a post-graduate degree. The scholarship offered to Maltese residents is worth $ 30,000 and is…

Aktar