Sajd
Reġa’ wasal żmien il-lampuki…

Mal-festa ta’ Santa Marija, beda l-istaġun li l-Maltin li jiggostaw l-ħut tant ikunu qed jistennew, hekk kif is-sajjieda jerħula għas-sajda tal-lampuki. U x-xorti u n-natura din is-sena donnha qed titbissem lis-sajjieda għaliex qed ikollhom qabdiet sostanzjali kif se naraw f’dan is-servizz ta’ Daphne Cassar.

Is-sajjieda li lmaħna f’Marsxlokk tgħoddhom fuq is-swaba ta’ id waħda hekk kif il-maġġoranza tagħhom bħalissa jinsab bejn sema u ilma għas-sajda tal-lampuki.

Dan hekk kif irranka ġmielu l-istaġun tal-lampuki minn meta beda fil-ħmistax ta’ Awwissu, madwar terz tal-ħut li jinqabad mis-sajjieda Maltin kienu lampuki. Il-lampuka tpassi f’dan iż-żmien u tgħum viċin il-wiċċ ta’ baħar fond u tfittex id-dell tal-kannezzati, teknika tas-sajd li ġiet żviluppata mis-sajjieda Maltin għexieren ta’ snin ilu.

Minkejja li għadu l-bidu għax l-istaġun jibqa’ sejjer sal-31 ta’ Diċembru, il-kelma fuq fomm is-sajjieda dwar il-qabdiet sa issa hija favorevoli u jistennew staġun tajjeb.

Qalu li b’kuntrast mal-istess perjodu tas-sena l-oħra li kien pjuttost batut, qed jaqbdu biżżejjed ħut biex ilaħħqu mad-domanda minkejja li d-daqs tal-lampuki għadu żgħir.

Ġiljan Attard huwa sajjied iżda kif jistqarr huwa stess jippreferi jixtri l-lampuki mingħand sajjieda oħra biex ibiegħhom huwa stess.

Qal li l-lampuka hija waħda mill-iżjed ħutiet popolari bil-lampuki li jgħabbi fuq it-trakk jinħatfu kull darba jmur f’xi raħal jgħajjat bil-ħanġra tipika l-lampuki ħajjin.

Ġiljan Attard hu sajjied, iżda stqarr li għal-lampuki jippreferi jixtrihom mingħand sajjieda oħra biex ibiegħhom.

Qal li l-lampuka hija waħda mill-iżjed ħutiet popolari, bil-lampuki jinħatfu kull darba li jmur f’xi raħal jgħajjat bil-ħanġra tipika “il-lampuki ħajjin.”

”Il-lampuki popolari ħafna kif qed taraw ġa biegħna kollox jiġifieri.”

Ġiljan appella lill-Maltin jixtru l-ħut frisk biex waqt li jieklu tajjeb, isostnu l-għixien tas-sajjieda li jaqilgħu l-ħobża tagħhom mis-sajd.

”Lin-nies inħeġġiġhom biex jixtru dan il-ħut ta’ Malta . . . ħut frisk u li jagħtik is-saħħa.”

Il-lampuka hi wkoll popolari fir-ristoranti, bil-kok Josef Farrugia jgħid li l-iżjed metodu preferut mil-klijenti hija l-lampuka moqlija fil-panura tad-dqiq u biz-zalza tat-tadam, żebbuġ u kappar.

”Bit-dqiq ġo taġen biż-żejt taqliha miż-żewġ naħat biex tiġi tqarmeċ u l-biċċa l-kbira nservu zalza tal-kappar u zalza tad-tadam, popolari ħafna dan id-dixx u jistaqsu ħafna għalih.”

Il-kok kompla jgħid li l-lampuka hija versatili u tisserva wkoll b’modi oħra bħal f’xi torta jew mixwija l-forn.

 

Aħbarijiet Oħra
Politika

Fl-aħħar sigħat il-President ta’ Malta George Vella ltaqa’ ma’ diversi deputati tal-Partit Nazzjonalista fil-Palazz ta’ Sant’ Anton. Fost id-deputati li diġà kellhom laqgħa mal-President Vella kien hemm Beppe Fenech Adami,…

Politika

Il-vot ta’ sfiduċja f’Adrian Delia mid-deputati Nazzjonalisti ħoloq xenarji ġodda b’opinjonisti jgħidu li din is-sitwazzjoni kompletament ġdida fl-istorja politika ta’ Malta. Fil-programm Ras imb’ Ras fuq TVM, l-opinjonist Dr Mario…

COVID-19

Il-COVID-19 u x-xogħol ġew diskussi minn mexxejja minn madwar id-dinja f’summit virtwali organizzat mill-Għaqda Dinjija tax-Xogħol, l-ILO. Fil-fehma tal-kap tal-organizazzjoni, il-pandemija tefgħet id-dinja tax-xogħol fi kriżi bla preċedent. F’messaġġ waqt…

Qorti

Il-Qorti ppreseduta mill-Maġistrat Joe Mifsud ma laqgħetx it-talba tal-iżviluppaturi biex ikomplu bix-xogħol fis-sit biswit fejn kienet id-dar ta’ Miriam Pace fil-Ħamrun, li fit-2 ta’ Marzu iġġarfet u radmet lil Pace…

Aktar