Annimali
Iż-żwiemel tal-karozzini se jaħdmu sa mhux iktar minn tlett ijiem f’ġimgħa

B’regolamenti ġodda li daħlu fis-seħħ, iż-żwiemel tal-karozzini mhux se jaħdmu fil-ħinijiet meta x-xemx li l-aktar qed tiżreġ f’Lulju u f’Awwissu. Ir-regolamenti li tħabbru mis-Segretarju Parlamentari Clint Camilleri jipprovdu wkoll biex iż-żwiemel fil-karozzini jaħdmu mhux iktar minn tliet ijiem f’ġimgħa.

Daħlu fis-seħħ regolamenti ġodda tat-trasport bil-karozzini. Is-Segretarju Parlamentari għad-Drittijiet tal-Annimali Clint Camilleri qal li bir-regolamenti l-ġodda li nħarġu f’avviż legali, iż-żwiemel ser jingħataw rispett u ma jibqgħux jitqiesu biss bħala mezz ta’ trasport.

Bir-regolamenti ewlenin, bejn Lulju u Awwissu, iż-żwiemel tal-karozzini ma jistgħux jintużaw bejn is-siegħa u l-erbgħa ta’ waranofsinhar u f’dawn il-ħinijiet iridu jitqegħdu f’post għad-dell u jkollhom l-ilma.

Spjega li regola oħra hi li ż-żwiemel jaħdmu ġurnata iva u oħra le biex b’hekk l-istess żiemel ma jintużax iżjed minn tliet darbiet f’ġimgħa b’kull vjaġġ ma jistax ikun itwal minn 45 minuta. Il-perit Camilleri qal li bir-regoli l-ġodda, l-karozzini ma jistghux igorru aktar minn erba’ passiġġieri.

Clint Camilleri qal “nemmen li permezz ta’ dawn ir-regolamenti l-ġodda qed insibu bilanċ kemm bejn id-drittijiet u l-benesseri tal-annimal, kif ukoll tradizzjoni u attività kummerċjali tas-sidien tal-karozzini.

Staqsejna lid-Direttur tal-Ħarsien tal-Annimali, Noel Montebello, b’liema mod se jiġi assigurat li dawn ir-regolamenti jiġu infurzati.

Noel Montebello qal “aħna diġà għamilna pjan t’azzjoni biex l-uffiċjali tagħna, l-uffiċjali li huma relatati mal-enforcement, ħa jkunu qed iduru propju fil-postijiet fejn hemm il-karozzini u ħa jaraw li dawn qegħdin għad-dell u qegħdin jobdu dawn ir-regolamenti ġodda.Jiġifieri dak sar pjan għaliha qabel ma saret il-liġi biex inkunu preparati għaliha.”

Is-Segretarju Parlamentari Camilleri qal li dawn ir-regolamenti jorbtu ma’ liġi oħra li għaddiet din il-ġimgħa fil-Parlament li biha żdiedu l-multi għall-moħqrija tal-annimali. Min jinstab ħati li ħaqar annimal jista’ jeħel sa €65,000 l-ewwel darba u sa €80,000 t-tieni darba.

Aħbarijiet Oħra
Lokali

Għadd ta’ mogħoż ilhom jumejn jidhru jduru fuq l-irdum f’Wied iż-Żurrieq, fl-inħawi tal-Munqar. Ir-ritratt, li ttieħed ilbieraħ minn post magħruf bħala l-Ħnejja, juri madwar sitt mogħżiet. Wara li r-ritratt ittella’…

Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiem tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Kultura

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti. Il-banda 12th May ta’ Ħaż Żebbuġ bħalissa qed tipprepara għall-proġett Ħuġġieġa,…

Aktar