Avjazzjoni
Rekord ta’ 300 ajruplan irreġistrati taħt bandiera Maltija

Ir-Reġistru tal-Avjazzjoni laħaq rekord ta’ 300 ajruplan irreġistrati taħt bandiera Maltija, li jfisser żieda ta’ 134% fuq medda ta’ 7 snin.

Dan tħabbar mill-Ministru għat-Trasport, Infrastruttura u Proġetti Kapitali Ian Borg meta kien qed iżur il-kumpanija Comlux Aviation f’Ta’ Xbiex.

Qal li l-Gvern għaddej b’ħidma sfiqa biex jiżgura li Malta ssir hub tal-avjazzjoni li toffri portaoll wiesa’ ta’ servizzi tal-avjazzjoni minbarra li tkompli tkabbar ir-reġistru tal-ajruplani.

Il-Ministru Borg qal li l-industrija tal-avjazzjoni globali qed tikber b’rata mgħaġġla tant li Malta qed tħares ‘l quddiem biex twessa’ l-cluster tal-avjazzjoni billi aktar kumpaniji tal-avjazzjoni jitħajru jwaqqfu n-negozji tagħhom f’Malta, kif ukoll is-servizzi anċillari marbuta ma’ din l-industrija.

Dr Borg qal li l-kumpanija Comlux Aviation għandha 9 ajruplani rreġistrati Malta u qed tħaddem aktar minn 110 impjegati, li jinkludu ħaddiema li jaħdmu fuq l-art u ekwipaġġ tal-ajruplani.

Il-Kap Eżekuttiv tal-kumpanija Andrea Zanetto qal li Malta tat prova li hija pajjiż lest biex jaħdem ma’ kumpaniji bħal Comlux sabiex jimxi ‘l quddiem u jagħmel progress.

 

Aħbarijiet Oħra
Stejjer Umani

Koppja li ftit tax-xhur ilu adottat tifel mill-Indja esprimiet il-ferħ tagħha fuq is-siti soċjali, kif ukoll wasslet messaġġ biex it-tfal jiġu mgħallma iktar dwar id-diversita’, b’mod partikolari mill-ġenituri stess. Biex…

Kronaka

Viżibilment taħt xokk, Joseph Attard li lbieraħ kien fil-mira tal-ħalliel fil-ħanut tiegħu f’Ħaż-Żabbar, irrakkonta ma’ TVM kif hu, flimkien ma’ żewġt iħbieb tiegħu rreżistew il-ħalliel li anke spara b’arma tan-nar….

Kunsilli Lokali

Il-kunsilli ser ikollhom pubblikazzjoni maħsuba apposta biex tgħinhom jiksbu fondi addizzjonali minn programmi tal-Unjoni Ewropea. Dan tħabbar mis-Segretarju Parlamentari għall-Fondi Ewropej u DAaron Farrugia u s-Sur Parnis. Iż-żewġ Segretarji Parlamentari,…

Kronaka

Kuntistabbli tal-Pulizija stazzjonat fl-Iskwadra ta’ Kontra d-Droga llejla ngħata l-kura fl-isptar wara li sofra xi ġrieħi waqt il-qadi ta’ dmirijietu. Il-każ ħareġ fil-pubbliku permezz ta’ post fuq il-paġna ta’ facebook…

Aktar