Storja
Restawrati sbatax-il kwadru mpittra kważi 300 sena ilu

Heritage Malta lestiet xogħol ta’ restawr u konservazzjoni fuq sbatax-il kwadru mpittra kważi tliet mitt sena ilu, li tnejn minnhom tant huma prestiġjużi li ġew esebiti fil-Messiku u l-Istati Uniti. Il-pitturi jinsabu esebiti fis-sala tal-mużika fil-Palazz ta’ San Anton u f’waħda mis-swali tal-Palazz Verdala.

Kavallier tal-Ordni ta’ San Ġwann, Antonio María de Bucareli ħalla wirt prestiġjuż wara mewtu; fosthom 17-il kwadru li ġew Malta mill-Messiku.

Il-konservatriċi ta’ HeritageMalta, Joanna Hili Micallef qalet li l-kwadri tpittru fis-seklu tmintax fil-Messiku mill-artist Juan Patricio Morlete Luiz u fl-aħħar ġimgħat reġgħu sabu posthom fis-swali tal-Palazzi ta’ San Anton u Verdala wara xogħol estensiv ta’ konservazzjoni u restawr.

“Tnax minnhom juru portijiet ta’ Franza u huma bbażati fuq inċiżjonijiet tal-artist Franċiż Claude Vernet, tlieta juru xeni Firenze u huma bbażati fuq inċiżjonijiet tat-tpinġijiet ta’ Giuseppe Zocchi u tnejn minnhom huma oriġinali juru xeni tal-Messiku”.

Dawn iż-żewġ kwadri juru żewġ wesgħat ewlenin fil-kapitali tal-Messiku fi żmien l-era kolonjali u tant kemm huma kkunsidrati importanti li l-awtoritajiet Messikani sselfuhom temporanjament biex jesebixxuhom fil-Messiku, f’Los Angeles u New York.

“Huma uniċi u dawn bażikament juru anke l-ħajja fil-Messiku fis-seklu tmintax għax tant fihom dettal b’waħda turi suq allura għandek il-ħajja kif kienet dak iż-żmien u r-razzez jitħalltu u allura huma interessanti wkoll bħala storja”.

Ix-xogħol ta’ konservazzjoni u restawr fuq dawn il-pitturi ħa madwar sentejn u ġie ffinanzjat mill-Borża ta’ Malta u l-Uffiċċju tal-President.

Aħbarijiet Oħra
Negozju

It-tarzna ta’ Bormla ser ikollha sidien ġodda hekk kif il-kumpanija Palumbo lesta li tbiegħ nofs l-ishma tagħha lil kumpanija MSC Cruises. Il-proċess għal dan it-trasferiment tal-ishma diġà beda tant li…

Parlament

Id-deputat Nazzjonalista u ex kap tal-Partit Nazzjonalista ppreżenta ittra ta’ riżenja minn deputat tal-Parlament Malti lill-Ispeaker tal-Kamra tad-Deputati Anġlu Farrugia fi tmiem is-seduta tat-Tlieta filgħaxija. Id-deputat Busuttil fl-aħħar diskors tiegħu…

Kurżitajiet

Żewġ persuni li kienu qed jaqsmu l-fliegu bejn Malta u Gġħawdex bil-jetskis tpaxxew mhux biss bil-veduta iżda wkoll b’qatgħa dniefel. Dan il-ħut bħal donnu kien qed itellaq biex jasal qabel…

Lokali

Is-servizz tal-posta Malti lejn iċ-Ċina ġie sospiżi b’effett immedjat minħabba li diversi linji tal-ajru ssospendew it-titjiriet lejn iċ-Ċina. Il-Maltapost ħabbret li se twaqqaf dawn is-servizzi sakemm jinħareġ avviż ieħor minkejja…

Aktar