Kurżitajiet
Skavi fl-inħawi tal-Ġgantija jitfgħu dawl ġdid fuq l-istorja ta’ Malta

Il-Preżenza tal-bniedem f’Malta ġie stabilit li bdiet madwar is-sena 5900 qabel Kristu, madwar 800 sena aktar kmieni milli kien maħsub sa issa. Dan ġie stabilit wara riċerka internazzjonali li kienet ilha għaddejja ħames snin fuq kampjuni ta’ ħamrija u materjal ieħor li nġabar minn skavi fl-inħawi tal-Ġgantija. Ir-riżutlat tar-riċerka li iktar tard ser ikun esebit fil-Mużew tal-Arkeoloġija tħabbru f’konferenza intitolata ‘Fragility and Sustainability’ li saret fil-Forti Sant’Anġlu.

Ħames snin ilu 30 riċerkatur ingħaqdu f”riċerka dwar il-preżenza tal-bniedem fi żmien il-preistorja fil-Gżejjer Maltin. Il-Fondi biex isir l-istudju li laħħqu żewġ miljun u nofs ewro nħarġu mill-European Reseach Council.

Permezz tagħhom saru skavi ġodda u saret analiżi tal-ħamrija li nġabret fis-siti arkeoloġiċi u postijiet fil-kampanja madwar Malta. Minn dak li nstab ir-riċerkatur huma konvinti li l-perjodu preistoriku f’Malta beda madwar 800 sena qabel dak maħsub s’issa.

Prof. Nicholas Vella  qal li “l-ewwel nies li ġew minn Sqallija u għamlu Malta d-dar tagħhom ġew kważi 800 sena milli ħsiebna – l-attività agrikola ġa jinstabu fil-bidu tas-sitt millenju qabel Kristu anzi 5200 sena qabel Kristu.

Il-Professur Vella qal li mir-riċerka ħareġ li l-kwalità ta’ ħamrija fuq l-għoljiet fil-Gżejjer Maltin kienet sejra lura u sa minn dak iż-żmien in-nies kienu jżiedu l-materjal organiku biex il-ħamrija tkun iktar għammiela.

Il-Professur Vella qal li dan ħareġ ċar minn skav li sar fil-Ġgantija f’post li qatt ma ntmiss fejn instab materjal li jikkonferma ż-żmien. Jingħad li f’dan il-perjodu l-popolazzjoni ta’ Malta kienet tgħodd madwar ħamest elef persuna u oriġinaw minn Sqallija.

Ir-riżultati tal-istudju ġew diskussi f’konferenza li ġiet indirizzata mill-Minsitru tal-Kultura Owen Bonnici li qal li dawn l-iskoperti wasslu għal tweġibiet ġodda dwar l-istorja u l-patrimonju ta’ Malta.

F’din ir-riċerka ħadu sehem l-Universitajiet ta’ Belfast, Cabridge, Plymouth u Liverpool, flimkien mal-Università ta’ Malta, is-Sovraintendenza tal-Patrimonju Kulturali u Heritage Malta.

Aħbarijiet Oħra
Infrastruttura

Wara d-dehra mill-isbaħ li ħadet il-funtana ta’ Tritoni bis-saħħa tar-restawr, persuni li fl-aħħar jiem ittawlu fil-funtana kienu ddiżappuntati meta nnutaw li l-qiegħ kien qed jittebba’ xi ftit. It-tebgħat jidhru donnhom…

Kultura

Il-kantanta Taljana Francesca Alotta tinsab Malta biex għada tkanta flimkien mal-istudenti tal-iskola Mater Boni Consilii Saint Joseph, Raħal Ġdid, f’kunċert b’risq l-Istrina. F’intervista ma’ TVM, Francesca Alotta tkellmet fuq esperjenzi…

Qorti

Żewg Egizzjani li kienu fi triqithom lejn pajjizhom bil-flus li tawhom kollegi taghhom biex jghadduhom lill-familji, spiċċaw fil-għali. Huma ġew akkużati li kienu qed iġorru flus iktar milli tippermetti l-liġi….

Kisbiet

Għandha 93 sena, u kienet fost l-ewwel nisa li servew bħala deputati fil-Parlament. Ann Agius Ferrante, li kienet bint l-ex avukat ġenerali Philip Pullicino, tirrakkonta mumenti ħelwin kemm mal-ex Prim…

Aktar