Avjazzjoni
Ryanair tħabbar 10 rotot ġodda minn Malta

Wara sajf mimli daqs bajda b’titjiriet minn madwar mitt destinazzjoni lejn Malta, diġà bdew jitħabbru titjiriet oħra għas-sajf li ġej. Ir-Ryanair, li diġà hija l-akbar linja tal-ajru li ġġib passiġġieri lejn Malta, ħabbret li mis-sajf li ġej ser iżżid għaxar rotot oħra lejn seba’ pajjiżi Ewropej li jinkludu l-Lussemburgu, il-Greċja, l-Olanda u n-Norveġja u rotot ġodda lejn Franza, l-Italja u r-Renju Unit.

Il-Kap Kummerċjali tar-Ryanair, David O’ Brien waqt li ħabbar dawn ir-rotot qal li kumpanija ser tkompli tinvesti f’Malta mitt miljun ieħor u ser ikollha s-sitt ajruplan fil-bażi tagħha f’Malta.

Ir-Ryanair ser tkompli ssaħħaħ il-preżenza tagħha f’Malta b’żieda ta’ għaxar rotot oħra biex sas-sajf li ġej tkun qed ittir lejn 61 destinazzjoni.

F’konferenza tal-aħbarijiet, il-Kap Kummerċjali tar-Ryanair, David O’Brien qal li b’dawn ir-rotot, l-kumpanija tistma li se tibda ġġorr tliet miljun u mitt elf passiġġier fis-sena, madwar 15 fil-mija aktar milli qed iġġorr bħalissa minn u lejn Malta.

David O’Brien qal “the routes that we have announced today all points of you like in Europe. We have two new routes in the United Kingdom – Cardiff and Exeter. We have a route to France, to Scandinavia, Oslo. We’re flying to Luxembourg and Maastricht in the Netherlands, Perugia, Lamezia, and Greece’s second largest city Thessaloniki. These are new routes to Malta – new connections. Very supportive not to just tourism but business. Not just peak but year around.

Is-sur O’Brien qal li sas-sajf li ġej, Malta se jkollha aktar titjirijiet minn u lejn destinazzjoni fl-Ewropa milli għandu l-Ajruport ta’ Heathrow f’Londra. Żied jgħid li b’61 rotta, minn u lejn Malta, ir-Ryanair ser tinvesti mitt miljun ewro ieħor f’Malta u tibbaża s-sitt ajruplan tagħha hawnhekk.

Il-Ministru għat-Turiżmu, Konrad Mizzi laqa’ dan l-iżvilupp li ser ikompli jkattar it-turiżmu u l-impjiegi.

Il-Ministru Mizzi qal “għaxar rotot tar-Ryanair jfissru li se jkollna capacity biex ir-Ryanair iġġorr tliet mitt elf passiġġier iktar on a two way basis. Dan ifisser li aktar passiġġieri ser jiġu Malta minnd awn is-swieq ġodda. Ir-realtà hi li r-Ryanair jimlewhom l-ajruplani tagħhom. Kuntent ukoll li ser jibbażaw ajruplan ieħor f’Malta – dan ifisser li ser iħaddmu iktar piloti f’Malta għax ikollhom bżonn two sets biex joperawh dan; iħaddmu aktar cabin crew u qd juru commitment lejn l-Ajruport tagħna.”

Iċ-Chairman tal-Awtorità tat-Turiżmu, Gavin Gulia qal li r-rotot il-ġodda ta’ Ryanair jikkumplimentaw l-istrateġija tal-Awtorità li Malta tilħaq aktar destinazzjonijiet u ssaħħaħ il-konnettivita’ ta’ Malta mal-Ewropa. Qal li ħafna mir-residenti fl-ibliet fejn se tibda ttir Ryanair ifittxu postijiet qrib il-baħar li huma għanja fil-kultura u l-istorja.

Aħbarijiet Oħra
Mużika

Michelle Paris hija mużiċista u kompożitiriċi li l-passjoni kbira li għandha għall-mużika tradizzjonali Irlandiża ddistingwietha bir-rebħ ta’ midalji prestiġjużi lil hinn minn xtutna. Il-mużika tradizzjonali Irlandiża għandha għeruq li jmorru…

Kultura

Il-Feniċi – poplu mil-Lvant Nofsani li waqfu kolonja tagħhom f’Malta fl-ewwel millenju Qabel Kristu. Iċ-ċiviltà Feniċja kienet waħda bbażata fuq il-kummerċ marittimu li firxet tul il-Baħar Mediterran u dan jistgħu…

Stejjer Umani

Iċ-ċkejken Katriel Zahra tant maħbub għall-ispirtu altruwist tiegħu minkejja li jbati minn kundizzjoni rari, dalgħodu wettaq ħolma oħra li kellu, li jaqta’ x-xagħar ta’ tifel bħalu b’risq il-Malta Community Chest…

Knisja Maltija

L-Azzjoni Kattolika Maltija għaddejja bi proġett biex dar li għandha f’Ħal Balzan tinbidel f’post li tkun tista’ tagħti kenn lill-familja jew persuni li għal xi raġuni jew oħra jispiċċaw ma…

Aktar