Ambjent
AĠĠORNAT: Intlaħaq kompromess bejn arja nadifa u l-manifattura ta’ karozzi li jniġġsu inqas – Miriam Dalli

Il-Kumitat Ambjentali tal-Parlament Ewropew approva r-rapport tal-MEP Miriam Dalli dwar it-tnaqqis tal-ħruġ ta’ gassijiet li jniġġsu l-arja mill-vetturi.  Ir-rapport jgħid li sal-2030, 45% tal-karozzi ġodda privati u dawk żgħar għall-użu kummerċjali għandhom ikunu b’emissjonijiet baxxi ta’ CO2 (dijossinu tal-karbonju – sors tat-tniġġis ambjentali, il-mard respiratorju u l-bidla fil-klima).

Meta kienet qed tindirizza konferenza tal-aħbarijiet iktar kmieni llum fil-Parlament Ewropew fi Strasbourg, Dr Dalli qalet li dawn il-miri se joħolqu bilanċ bejn il-kuxjenza ambjentali, is-saħħa taċ-ċittadini u l-isfidi li għandha l-industrija tal-manifattura tal-vetturi fl-Unjoni Ewropea.

Spjegat kif din hija policy li għandha twassal għal bidla pożittiva biex tiżdied il-produzzjoni ta’ karozzi li jaħdmu bil-batteriji, l-elettriku, hybrid u għalhekk isir iktar investiment u jinħolqu l-impjiegi, iżda fl-istess waqt ikunu vetturi li ma jniġġsux l-ambjent u jħarsu saħħet iċ-ċittadini Ewropej.

L-MEP Maltija saħqet ukoll fuq il-bżonn li tiżdied l-infrastruttura biex min juża karozzi elettroniċi jew bil-batterija jkun jista’ jiċċarġjaha faċilment, filwaqt li qed tipproponi li jingħata taħriġ lill-ħaddiema li jaħdmu f’dan is-settur.

Spjegat kif fir-rapport tagħha qed tipproponi li għandha tinbidel is-sistema li biha ssir analiżi ta’ kemm joħroġ CO2 mill-vetturi biex jiġu evitati xi skandli bħalma ġara fil-passat.  Dr Dalli hija tal-fehma li dawn il-miżuri għandhom jidħlu gradwalment biex jagħtu ċans lill-industrija awtomobilistika tadatta għall-miri stabbiliti fir-rapport.

Ir-rapport tal-MEP Dalli għadda bi 38 vot favur, 23 vot kontra u 7 astensjonijiet.  Il-pass li jmiss huwa li jittieħed vot mill-MEPs kollha fis-sessjoni plenarja tal-Parlament Ewropew ta’ Ottubru.

Ara l-kumment li tat Dr Dalli meta mistoqsija minn TVM dwar kif se jintlaħaq bilanċ bejn l-aspetti ekonomiċi u ambjentali tal-industrija tal-manifattura tal-vetturi fl-Unjoni Ewropea bil-miri stabbiliti fir-rapport.

 

Aħbarijiet Oħra
Għawdex

Bejn Awwissu u Settembru ta’ din is-sena se jittella’ ċ-Ċittadella Arts Festival f’Għawdex. Dan il-festival qed jiġi organizzat minn DCapitals Big Band bil-kollaborazzjoni tal-Ministeru għal Għawdex u ta’ Malta Arts Council…

Lokali

L-Awtorità tal-Ippjanar approvat il-bini ta’ blokok residenzjali f’San Vinċenz de Paul, fil-limiti ta’ Ħal Luqa. Dawn l-erba’ blokok residenzjali mistennija jakkomodaw mal-490 resident. Il-proġett huwa mifrux fuq 16,500 metru kwadru…

Teknoloġija

Il-Kap Eżekuttiv tal-GO, Nikhil Patil, qal li kważi wasal nofs triq l-investiment ta’ €100 miljun li l-kumpanija qed tagħmel f’sistema ta’ fibre optic cable għas-servizzi tagħha. Huwa qal li dal-proġett…

Lokali

Wara li lbieraħ filgħaxija ġġarraf bini fi Gwardamanġa, Transport Malta qalet li qed tissospendi t-testijiet tat-teorija minħabba li l-uffiċċju fejn isiru dawn it-testijiet huwa parti minn din il-binja li ġġarfet….

Aktar