Trasport
Sa 3 snin oħra l-cruise liners li jidħlu fil-Port il-Kbir se jitfu l-magni

B’investiment ta’ €50 miljun, 22 miljun minnhom mill-Unjoni Ewropea sa tliet snin oħra l-cruise liners li ser jidħlu fil-Port il-Kbir ser jitfu l-magni u ser jieħdu l-enerġija minn proġett li ser isir minn Infrastruture Malta. Il-Ministru Ian Borg qal li minn dan il-proġett ambjentali ser jibbenefikaw minn arja nadifa 51% tal-popolazzjoni li tgħix madwar il-Port il-Kbir.

Il-Ministru tal-Infrastruttura Ian Borg qal li l-Grand Harbour Clean Air Project ser iwassal biex il-cruise liners li jidħlu fil-Port il-Kbir ma jkollhomx aktar il-ħtieġa li jżommu l-magni mixgħula biex jibqgħu joperaw iżda jitqabbdu mas-sistema tal-enerġija minn fuq l-art. Sostna li dan ser iwassal biex l-emmissjonijiet ta’ gassijiet fl-arja ser jonqsu sostanzjalment għall-benefiċċju tal-popolazzjoni li tgħix madwar il-Port il-Kbir.

“Cruise liner 8 sigħat fil-Port iniġġeż daqs 300,000 karozza, jiġifieri l-karozzi kollha ta’ dan il-pajjiż li jivvjaġġaw darba mill-Mellieħa sa Marsaxlokk, daqshekk iniġġeż u n-nies ta’ madwar il-Port il-Kbir jixraqilhom arja nadifa wkoll għaliex aħna rridu aktar cruise liners u bastimenti jiġu imma rridu li jkollhom impatti pożittivi biss. Dan il-proġett ta’ €50 miljun, l-ewwel fażi 37 miljun u t-tieni fażi l-kumplament għandna 3 snin xogħol.”

Il-Grand Harbour Clean Air Project sab l-għajnuna finanzjarja tal-Kummissjoni Ewropea wara ħidma li saret mis-Segretarjat għall-Fondi Ewropej. L-Unjoni Ewropea rat il-ħtieġa li dan il-proġett għandu għall-konnettività bis-Segretarju Parlamentari Stefan Zrinzo Azzopardi jgħid li fondi li ngħataw lil Malta huma addizzjonali għall-fondi li Malta ngħatat mill-budget tal-Unjoni Ewropea.

“Ser ikun kofinanzjat permezz ta’ fondi tal-Unjoni Ewropea €21.9 miljun li ġejjin mill-Connecting Europe Facility. Huma flus sostanzjali li ser ikun qed jiffaċilita l-finanzjament ta’ fażi importanti minn dan il-proġett li għandu effett pożittiv ambjentali jitnaqqsu l-emmissjonijiet u l-ħsejjes li jkunu ġenerati mill-vapuri fil-Port peress li l-enerġija elettrika minflok tkun ġenerata mill-vapur stess permezz ta’ konnettivita l-enerġija tiġi minn fuq l-art”.

Dr Zrinzo Azzopardi qal li bħal proġett li ser isir fil-Port il-Kbir biex il-cruise liners jintfew, il-Gvern qed jippjana li jagħmel l-istess għall-Port Ħieles f’Birżebbuġa ħalli anke vapuri li jaslu bil-merkanzija jintfew kemm idumu fil-Port Ħieles għall-benefiċċju tar-residenti fl-inħawi.

Aħbarijiet Oħra
COVID-19

L-Assoċjazzjoni Medika Maltija, MAM, u l-Union tal-Infermiera u l-Qwiebel, MUMN, ħabbru azzjoni industrijali fid-dawl li l-attivitajiet tal-massa ma twaqqfux milli jiġu organizzati waqt il-pandemija tal-Covid. Il-MAM ordnat sensiela ta’ direttivi…

Lokali

Bejn din is-sena u s-sena li ġejja fiż-żona tat-tlett ibliet u l-Kalkara se jkunu qed isiru mal-25 proġett ta’ restawr varji fosthom fuq il-Forti Ricasoli, s-swar ta’ Santa Margerita u…

Lokali

Melvin Theuma, l-intermedjarju fil-qtil ta’ Daphne Caruana Galizia, baqa’ f’qagħda stabbli. Fi stqarrija l-Pulizija qalet li Theuma għadu fit-taqsima tal-ENT fl-isptar Mater Dei. It-Tlieta 21 ta’ Lulju 2020, Theuma nstab…

COVID-19

L-organizzaturi tal-attivitajiet li jinqabdu jiksru r-regoli tal-miżuri mħabbra mill-Awtoritajiet tas-Saħħa biex iwaqqfu l-imxija tal-Covid-19 jistgħu jeħlu multa ta’ €3,000 għal kull miżura li jiksru. Dan tħabbar illum f’avviż legali ppubblikat…

Aktar