Barranin
Salvati minn gżira fil-Paċifiku bis-saħħa tal-SOS fir-ramel

Xeni li iktar imdorrijin naraw f’xi film, iżda li fi tmiem il-ġimgħa li għaddiet żvolġew fir-realtà fuq gżira mhux abitata fil-Paċifiku.

Tliet baħrin spiċċalhom il-fjuwil tad-dgħajsa ċkejkna tagħhom, u spiċċaw maqbuda fuq il-gżira Pikelot fil-Mikroneżja, mingħajr mezzi biex jikkuntattjaw lill-awtoritajiet għall-għajnuna.

Wara li kienu ilhom neqsin tlett ijiem, ħelikopter tad-difiża Awstraljana li kien fi triqtu lejn il-Hawaii lemaħ il-kliem SOS miktub fir-ramel, u niżżel lit-tliet irġiel provvisti ta’ ikel u xorb.

Minn hawn ġew avżati bis-sejba l-awtoritajiet tal-Mikroneżja, li bagħtu trasport għat-tliet irġiel.