Kronaka
Sawwat lil ommu għax ma sabx l-ikel lest

Ġuvni ta’ 23 sena ma ngħatax il-ħelsien mill-arrest wara li qed jiġi allegat li sawwat lil ommu għaliex ma lestitlux l-ikel.

Il-ġuvni ġie mixli li fferixxa lil ommu bi ġrieħi ħfief u li kkważalha biża’ li terġa’ tispiċċa vittma ta’ abbuż.

L-Avukat Difensur, Martha Mifsud, talbet għall-ħelsien mill-arrest billi l-argument li seħħ bejn l-iben u l-omm kien banali anke jekk dan eskala. Il-ġuvni, li xxellef mal-liġi drabi oħra fuq reati minimi, qal li ma xtaqx jitlef xogħolu.

L-Avukat parte civile Stefanie Caruana qalet lill-Qorti li l-abbuż kien ilu għaddej għal dawn l-aħħar 10 snin. Hija kompliet tgħid li l-omm, tant spiċċat fi stat ħażin li marret darbtejn il-polyclinic għall-kura fl-istess ġurnata.