Lokali
Se jaqdfu 2,000km fi tliet pajjiżi biex jiġbru fondi għar-riċerka fuq il-mard tal-kliewi

Fis-sajf li ġej, grupp ta’ ċiklisti mil-LifeCycle ser jaqdfu elfejn kilometru fi tliet pajjiżi fl-Ażja biex ikomplu jinġabru fondi għar-riċerka fuq il-mard tal-kliewi u biex tkun iffinanzjata għajnuna psikoloġika għall-pazjenti kollha.

Bdew it-tħejjijiet biex f’Settembru li ġej grupp ta’ ċiklisti jaqdfu elfejn kilometru fl-Ażja.

Il-fundatur tal-LifeCycle Challenge, Alan Curry, qal li din is-sena ċ-ċiklisti ser isegwu rotta mill-belt ta’ Ħanoj fil-Vjentam lejn il-Laos u l-Kambojda.

Iċ-Chairperson tal-Fondazzjoni LifeCycle, Dr Shirley Cefai qalet li ċ-ċiklisti ser ikollhom 17-il-ġimgħa ta’ taħriġ intensiva għall-isfidi li ser ikollhom.

Dr Shirley Cefai qalet “meta mmorru għal-LifeCycle ser toħroġ il-karattru tiegħek. Psikoloġikament hija diffiċli. Ngħidlek kważi 60% psikoloġika, 40% physical.”

Imwaqqfa fl-1999, il-Fondazzjoni LifeCycle ġabret iktar minn €2 miljuni biex tgħin lill-pazjenti tal-kliewi permezz ta’ xiri ta’ tagħmir fir-Renal Unit ta’ Mater Dei u għajnuniet oħra.

Dr Shirley Cefai qalet “issa ser nibdew għajnuniet ukoll vouchers għal għajnuna psikoloġika – mhux biss għall pazjenti iżda wkoll għall-familji għax hija trawma għal wieħed meta tgħidlu li l-kliewi mhux qed jaħdmulek mhux faċli biex tgħix biha u anke għall-familji tagħhom għax iridu jappoġġjawhom ħafna”.

L-isfida ta’ din is-sena ser tibda b’ghotja ta’ €70,000 mill-kumpanija Nescafe li għas-sentejn li ġejjin ser tagħti l-appoġġ lill-Fondazzjoni Life Cycle.

Is-Segretarju Parlamentari Clifton Grima qal li l-ġest taċ-ċiklisti huwa ispirazzjoni għax qed jingħaqdu biex jagħtu l-ħin, il-flus u l-kompetenzi tagħhom għas-servizz ta’ ħaddieħor.

Aħbarijiet Oħra
Partit Laburista

Il-Prim Ministru u Mexxej Laburista, Joseph Muscat qal li l-Kap tal-Oppożizzjoni għandu jitlob inkjesta bil-Maġistrat fuq l-allegazzjonijiet li saru dwaru, li qed jimplikaw li hemm firem foloz tiegħu sabiex ikun…

Kronaka

Mara ta’ 59 sena tinsab fil-periklu tal-mewt wara li tilfet il-kontroll tal-vettura tagħha. L-inċident seħħ għall-ħabta tal-4am fi Triq Santa Katerina, ix-Xewkija. Minn investigazzjonijiet preliminari illi saru mill-Pulizija tad-Distrett irriżulta…

Lokali

2 persuni ġew arrestati wara li ntlemħu jaġixxu b’mod suspettuż viċin karozza fil-Gżira. Kmieni dalgħodu, għall-ħabta tas-1.55am, il-Pulizija ġiet infurmata li żewġ persuni kienu qed jaġixxu b’mod suspettuż viċin karozza…

Lokali

Stephanie Galea, omm ta’ żewġt itfal miż-Żurrieq hija r-rebbieħa ta’ Mrs Malta 2019. Galea ħadet sehem ilbieraħ filgħaxija fil-konkors Mrs Malta. Fl-ewwel kummenti rringrazzjat lill-familja kollha tagħha li tawha l-appoġġ….

Aktar