Approvat il-proġett għall-bini ta’ żewġ mini taħt ir-roundabout ta’ Santa Luċija.
Fuq is-siti soċjali, il-Ministru Ian Borg ħabbar li l-Awtorità tal-Ippjanar approvat dan il-proġett li huwa ntiż li jgħaqqad Triq tal-Barrani ma’ Vjal Santa Luċija, lejn Triq Aldo Moro. Dr Borg qal li dalwaqt se jibda jsir dan il-proġett minn Infrastructure Malta b’investiment multi-miljunarju mill-Gvern.
Il-Ministru Borg qal li l-proġett se jnaqqas bi 30% l-ħin fl-ivjaġġar u mistenni jnaqqas ir-riskji ta’ inċidenti għal min jivjaġġa mill-inħawi, minbarra li r-residenti ta’ Santa Luċija, Ħal Tarxien u Raħal Ġdid se jkollhom arja aktar nadifa.
Il-Planning Authority għadha kif approvat il-proġett tal-bini ta’ żewġ mini taħt ir-roundabout ta’ Santa Luċija, biex jgħaqqdu flimkien it-Triq tal-Barrani ma’ Vjal Santa Luċija, lejn Triq Aldo Moro. Infrastructure Malta ser tibda’ twettaq dan il-proġett dalwaqt. Dan l-investiment multi-miljunarju fin-nofsinhar ta’ Malta ifisser 30% inqas ħin fl-ivvjaġġar u inqas riskji ta’ aċċidenti għal eluf ta’ residenti u ħaddiema li ta’ kuljum jivvjaġġaw minn u lejn dawn l-inħawi. Ifisser ukoll aċċess aktar komdu u arja aktar nadifa għar-residenti ta’ Santa Luċija, Ħal Tarxien u Raħal Ġdid. #toroqahjarghalik
Gepostet von Ian Borg am Dienstag, 18. September 2018
Ir-reazzjoni ta’ Flimkien għal Ambjent Aħjar
L-għaqda Flimkien għal Ambjent Aħjar ma taqbilx mal-proġett. Fi stqarrija wriet id-diżappunt tagħha li ġew approvati l-permessi għal dal-proġett.
Skont l-għaqda, il-proġett ser iwassal għall-qirda ta’ bosta siġar fuq medda ta’ kilometru kif ukoll għat-telf tar-raba’ fl-inħawi biex jikkomoda t-traffiku.
L-ghaqda qalet li ma tistax tifhem kif l-Awtorità tar-Riżorsi waslet għall-konklużjoni li dal-proġett għandu impatt li mhux sinifikanti u ma talbitx li jsir studju tal-impatt ambjentali.
F’attività politika fil-Mellieħa, il-Prim Ministru Joseph Muscat tkellem dwar l-Istrateġija Nazzjonali tal-Isport li tnediet aktar kmieni matul il-ġurnata. Qal li u jemmen li hemm potenzjal kbir f’dan is-settur u għalhekk…
Il-Prim Ministru Joseph Muscat inawgura hub modern u tal-għola standards fil-Marsa msejjaħ The Meeting Place li ser isservi biex ikollhom spazju fejn jiltaqgħu l-għaqdiet mhux governattivi li jaħdmu fl-oqsma tal-edukazzjoni,…
Il-Prim Ministru u Mexxej Laburista Joseph Muscat qal li l-iskema biex jingħataw ħlasijiet lill-eluf ta’ ħaddiema approvata mill-Kabinett saret biex issir ġustizzja ma’ iktar ħaddiema f’diversi oqsma fosthom ex ħaddiema…
Il-Kap tal-Partit Nazzjonalista Adrian Delia qal li, għal dan il-Gvern, Għawdex mhuwiex prijorità. Waqt attività politika fin-Nadur Ghawdex illejla, Dr Delia sostna li hemm kuntrast qawwi mal-investiment li kien għamel…