Saħħa
Se jibda jsir it-teħid tad-demm fil-berġa rinovata ta’ Ħaż-Żabbar

Servizzi tas-saħħa li kienu jingħataw biss mill-isptar komplew jinfirxu f’aktar lokalitajiet permezz tal-bereġ li qed jiġu modernizzati.

L-aħħar berġa li ġiet rinovata hija dik ta’ Ħaż-Żabbar, fejn għall-ewwel darba beda jingħata servizz tat-teħid tad-demm għal testijiet ordnati anke mit-tobba tal-familja.

Fl-inawgurazzjoni tal-berġa fiċ-Ċentru Ċiviku ta’ Ħaż-Żabbar, id-Deputat Prim Ministru u Ministru għas-Saħħa, Chris Fearne, qal li l-mira hi li fi żmien tliet snin, f’kull belt u raħal ikun hemm berġa tas-saħħa li toffri servizzi mediċi eqreb fil-komunità.

“Dawk il-pazjenti tal-lokal li jkollhom bżonn testijiet tad-demm, anke li jkun ordnalhom it-tabib tal-familja tagħhom minflok li jmorru fl-isptar, kif kien jiġri sa ftit żmien ilu jistgħu jiġu hawnhekk id-demm jittieħed minn hawn, imur il-laboratirju u jinħadem u r-riżultat imur direttament għand it-tabib tal-familja tagħhom. Dan huwa mod ta’ kif qegħdin nidiċentralizzaw u nwasslu s-servizz tas-saħħa aktar fil-bliet u l-irħula tagħna biex il-pazjenti jinqdew aħjar,” qal id-Deputat Prim Ministru.

It-tisbiħ fil-berġa ta’ Ħaż-Żabbar sewa ‘l fuq minn €50,000. Il-berġa ta’ Ħaż-Żabbar hija fost 54 berġa li l-Gvern għandu f’Malta u Għawdex.

It-tmexxija ta’ uħud minnhom għaddiet lill-Kunsilli Lokali. S’issa l-Gvern diġa lesta t-tisbiħ tal-Bereġ tas-Saħħa ta’ Ħaż-Żebbuġ, Tal-Pietà, Ħ’Attard, tas-Sliema, iż-Żurrieq, u fetaħ berġa ġdida fix-Xewkija.

Aħbarijiet Oħra
Lokali

Fil-fehma tad-Dekan tal-Fakultà għat-Tisħiħ tas-Soċjetà, il-Professur Andrew Azzopardi, il-ġlieda kontra d-droga u l-kultura tal-flus huma kruċjali biex iż-żgħażagħ ma jaqbdux it-triq tal-kriminalità li studju juru li jekk jidħlu fiha minn…

Kronaka

Il-pulizija qed tfittex raġel li wara nofsinhar daħal jisraq minn dar ta’ anzjana f’San Ġiljan. Il-pulizija qalet li ġiet informata bis-serqa minn residenza fi Triq Ċensu Tabone li tinsab fiż-żona…

Infrastruttura

Dik li kienet il-Biċċerija l-Antika lejn in-naħa t’isfel tal-Belt, mix-xahar id-dieħel se tkun il-Valletta Design Cluster – proġett li ser ikun wirt ieħor li jibqa’ minn fost kullana ta’ inizjattivi…

Statistika

Skont l-Uffiċċju Nazzjonali tal-istatistika, bejn April u Ġunju, l-inċidenti fit-toroq naqsu bi kważi 41% meta mqabbel mas-sena l-oħra. Iċ-Chairman tal-Kunsill għas-sigurtà fit-toroq iżda ma tbissimx wisq quddiem din l-istatistika, fosthom…

Aktar