Se jibda x-xogħol fuq ir-restawr tal-funtana ta’ Tritoni u Pjazza Kastilja

Il-Ministru tat-Trasport u l-Infrastruttura Joe Mizzi dalgħodu ħabbar li s-sena d-dieħla se jkun qed jibda x-xogħol ta’ restawr fuq il-funtana tat-Tritoni u Pjazza Kastilja.

Fil-Parlament il-Ministru Mizzi qal li x-xogħol huwa maħseb li se jieħu sentejn u għandu jitlesta fil-bidu tal-2017.  Huwa qal li se jinbeda xogħol ta’ tisbiħ u riabilitazzjoni wkoll fiż-żona ta’ madwar il-Funtana tat-Tritoni u Pjazza Kastilja. Huwa fisser dawn il-proġetti bħala kbar u li għandhom il-potenzjal li jsaħħu l-Belt fl-irwol kulturali tal-Belt billi tiġi pprovduta l-infrastruttura u l-faċilitajiet meħtieġa bħala support għal dan l-għan.

Is-Sur Mizzi qal ukoll li tkompla xogħol ta’ preparament fuq proġett li se jara r-riorganizzazzjoni tal-parkeġġ fil-foss tal-Belt li min-naħa ta’ Marsamxett iwassal sa taħt il-Barrakka ta’ Fuq.

Semma li qed jiġu studjati diversi modi ta’ kif jista’ jiġi ffaċilitat id-dħul pedonali tal-pubbliku fil-Belt. Dan jinkludi l-ftuħ ta’ passaġġi eżistenti fil-Belt u l-Furjana. Qal ukoll li se jinbeda xogħol ta’ restawr fuq it-Torri ta’ Wignacourt ħdejn is-Sarria u fuq il-Funtana ta’ Wignacourt li hemm fil-ġnien ta’ San Filippu.

Rigward il-Belt Valletta qal li sar xogħol ta’ pavimentar fi Triq l-Ordinanza, restawr fuq sensiela ta’ monumenti tal-bronż u huwa ppjanat li s-sena d-dieħla jsir xogħol fi triq Mikiel Anton Vassalli, Triq it-Teżorerija u Strada Stretta.  Barra dan qal li qed jitfassal pjan komprensiv bil-għan li jkun hemm riġenerazzjoni u rijabilitazzjoni ta’ Strada Stretta.

Aħbarijiet Oħra
Cryptocurrency

Malta għandha tliet liġijiet li jirregolaw l-industrija l-ġdida relatata mal-block chain u l-muniti diġitali. Esperti f’dal-qasam jemmnu li s-setturi se jkunu l-mod kif isir in-negozju fil-futur. Mark Bugeja hu espert…

Temp

Tliet snin oħra jaħbat għeluq il-mitt sena mill-ftuħ tal-ewwel uffiċċju għat-tbassir tat-temp f’Malta. Fil-jum dinji tal-metereoloġija, iċċelebrat bħal-lum, it-23 ta’ Marzu, jitfakkar it-twaqqif tal-organizzazzjoni dinjija tal-meteoroloġija fi ħdan in-Nazzjonijiet Magħquda…

Sport

Illejla fl-Istadium Nazzjonali f’Ta’ Qali, f’logħba li ntemmet għall-ħabta tat-8.00pm, Malta rebħet lill-Gżejjer Faroe 2-1. Goals skurjati minn Kyrian Nwoko u penalty ta’ Steve Borg – wieħed f’kull taqsima. Il-Gżejjer…

Kultura

Il-Proġett “Żunżana” jikkonsisti f’sensiela ta’ ħames kunċerti li se jittellgħu b’kollaborazzjoni bejn Aġenzija Żgħażagħ u l-Għaqda Każini tal-Banda minn grupp ta’ bandisti żgħażagħ li bdew idoqqu fl-aħħar ħames snin. Il-baned…

Aktar