Edukazzjoni
Se jibdew jitgħallmu fi klassi li tixbah il-post tax-xogħol

Minn hawn u tliet xhur oħra l-istudenti fl-iskejjel tal-Gvern li jagħżlu suġġetti vokazzjonali se jżanżnu klassijiet ġodda li jkunu bħal fula maqsuma mal-postijiet tax-xogħol futuri tagħhom. F’kummenti lil TVM, is-Segretarju Permanenti fil-Ministeru għall-Edukazzjoni, Frank Fabri qal li fi żmien sena l-iskejjel sekondarji kollha f’Malta u Għawdex se jkunu mgħammra b’dawn il-klassijiet li qed isiru b’investiment ta’ €10 miljun.

Ftit snin biss wara li fl-iskejjel sekondarji tal-Gvern bdew deħlin suġġetti vokazzjonali, il-Ministeru għall-Edukazzjoni beda programm ta’ investiment biex l-iskejjel ikunu attrezzati bl-aħjar mod possibbli u biex l-istudenti jieħdu l-aħjar esperjenza fis-suġġetti vokazzjonali li jagħżlu biex ikomplu l-vjaġġ edukattiv tagħhom. Waħda mill-iskejjel li qed tiġi mħejjija hi l-iskola San Ġorġ Preca fil-Ħamrun.

Is-Segretarju Permanenti tal-Ministeru għall-Edukazzjoni, Frank Fabri qal ”studenti li se jagħżlu Media Literacy, il-klassijiet li se jitgħallmu fihom se jkunu l-istudios bl-apparat kollu li nsibu fl-industrija. L-istudenti li se jagħżlu l-Ospitalità se jidħlu fi klassijiet kbar ħafna ikbar minn klassijiet imdorrijin bihom fejn fihom se jkunu qed jitgħallmu f’ambjent li hu simili ħafna għall-industrija.”

Is-Segretarju Permanenti tal-Ministeru tal-Edukazzjoni, Frank Fabri kompla jgħid li fi żmien sena se jibdew jiġu mgħallma suġġetti vokazzjonali ġodda.

”Sa Settembru 2019 irridu nlestu 77 workshop għas-suġġetti vokazzjonali u applikati fl-iskejjel sekondarji f’Malta u Għawdex. Il-pjan tagħna hu, minħabba li dan hu proġett kbir ħafna b’investiment ta’ €10 miljun, il-pjan hu illi sa tmiem Diċembru jiġu finalizzati madwar 40 workshop fi skejjel differenti” qal Dr Fabri.

Dr Fabri qal li l-bini ta’ dawn il-klassijiet il-ġodda jmur id f’id mal-ftehimiet li qed isiru mas-settur privat biex parti mit-tagħlim tal-istudenti jibda jsir fil-postijiet tax-xogħol stess.

Il-Kap tal-Iskola Sekondarja San Ġorġ Preca fil-Ħamrun, Dorianne Portanier Mifsud qalet li dawn il-klassijiet ġodda se jagħtu bixra isbaħ u aħjar lill-esperjenza edukattiva tal-istudenti.

Il-Kap tal-Iskola Sekondarja San Ġorġ Preca, Dorianne Portanier Mifsud ”se nkunu qegħdin nassiguraw illi nilħqu lill-istudenti kollha jiġifieri se jkollna dawk li jħobbu l-akkademja, hemm programmi vokazzjonali u dawk li huma applied allura se nkunu naraw li nilħqu kull student.”

Għalkemm il-ġimgħa d-dieħla se tibda sena skolastika ġdida, Dr Fabri qal li x-xogħlijiet li qed isiru mhux se jħarbtu l-klassijiet u assigura lill-ġenituri li t-tagħlim se jsir b’mod normali.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar