Lokali
Se jiġu proċessati mas-6,000 tunnellata tadam

Fit-tmien ġimgħat tal-għasir tat-tadam, bejn Lulju u Awwissu se jiġu proċessati mas-sitt elef tunnellata tadam li jinġabru mingħand mitejn bidwi f’Malta u Għawdex. Fil-fabbrika tal-ikbar produttur fl-ipproċessar tat-tadam, jidħlu medja ta’ 150 tunnellata tadam kuljum.

It-tadam li jintuża fil-produzzjoni tal-prodotti tat-tadam, jitkabbar biss f’ambjent naturali u x-xemx Maltija tagħmlu l-aħjar prodott. John Magro, wieħed mill-produtturi ewlenin ta’ varjetà sħiħa ta’ prodotti tat-tadam – kemm għas-suq lokali imma l-iżjed għall-esportazzjoni qal, li bħala medja din is-sena, il-produzzjoni tat-tadam għall-għasir tlaħħaq is-sitt elef tunellata. Il-bdiewa tat-tadam f’Malta u Ghawdex jgħoddu aktar minn mitejn.

Is-Sur Magro qal li għalihom, dan huwa l-aktar żmien impenjattiv tas-sena. L-istaġun tal-għasir tat-tadam jibda mill-bidu tal-Lulju sa tmiem Awwissu. Il-kumpanija Magro Brothers f’Għawdex hija waħda minn tlieta li jipproċessaw it-tadam, imma waħidha tipproċessa tmenin fil-mija tat-tadam kollu.

Is-Sur Magro qal li li bħalissa għandhom ħames linji tal-produzzjoni għaddejin kontinwament, fejn it-tadam pproċessat jinbidel f’prodotti kemm għas-suq lokali fik ukoll internazzjonali. Matul żmien l-għasir, fix-Xewkija jidħlu kuljum mal-150 tunnellata tadam – daqs għaxar trailers kbar.

Ix-xerrej jiltaqa’ mal-prodott għand tal-ħanut u bil-prodott fil-bott li jkun ħa minn fuq l-ixkaffa tkompli l-katina ta’ rutina li tibda minn żerriegħa u tintemm b’togħma bnina bil-kunserva imdellka fuq il-wiċċ ta’ kisra ħobż tal-Malti.

Aħbarijiet Oħra
Kultura

Aktar tard din is-sena partijiet minn Malta mistennija jerġgħu jintużaw għall-film blockbuster. Il-film ġdid ‘Jurassic World 3′ mistenni jinħareġ fis-swali taċ-ċinema f’Ġunju tas-sena d-dieħla. L-aħħar film minn din is-serje kellu…

NGOs

Fil-Palazz Presidenzjali ta’ San Anton ġew premjati l-għaqdiet li matul is-sena l-oħra ħarġu b’ideat u proġetti kreattiv ma’ persuni vulnerabbli. Il-Premju tal-President ghall-Kreattività, li jsir b’kollaborazzjoni mal-Kunsill Malti għall-Arti, din…

Politika

Il-Ministru Owen Bonnici qal li bħala Ministru tal-Edukazzjoni se jaħdem, fost affarijiet oħra, biex jiġu indirizzati nuqqasijiet fis-sistema biex ħadd ma jaqa’ lura, u biex iżjed nies ikomplu jistudjaw, anke…

Politika

Waqt żjara fil-ħwienet fil-Belt Valletta, il-Prim Ministru Robert Abela intlaqa’ mill-pubbliku, is-sidien, u l-ħaddiema tal-istabillimenti fi Triq ir-Repubblika. Dr Abela qal li l-Gvern qiegħed u ser ikompli jwettaq il-wegħda tiegħu…

Aktar