Se jinħatar Chairman ieħor tal-KMS dalwaqt – Dr Buontempo

 

Is-Segretarju Parlamentari responsabbli mill-Isport, Stefan Buontempo qal li fil-futur qarib se jinħatar chairman ġdid tal-Kunsill Malti għall-Isport minflok Jonathan Barbara li rriżenja f’Settembru wara erba’ xhur fil-kariga.

Television Malta ha l-kummenti tas-Segretarju Parlamentari Buontempo waqt il-ftuħ ta’ sena oħra ghal Skola Sport. S’issa rreġistraw ‘il fuq minn 2,500 tifel u tifla biex jieħdu sehem f’xi waħda mill-50 dixxiplini sportivi li se jkunu qed isiru f’20 post madwar Malta. Fost id-dixxiplini ġodda, din is-sena hemm il-waterpolo, l-lotta u l-American Dance.
Is-Segretarju Parlamentari qal li l-applikazzjonijiet se jibqgħu miftuħa matul is-sena bil-għan li jkomplu jiżdiedu t-tfal li jagħzlu li jipprattikaw l-isport. Qal li għalkemm żdiedu l-parteċipanti min naħa t’isfel ta’ Malta fi skola sport, huwa inaċċettabli li mit-tlett ibliet tal-Kottonera rreġistraw biss 13-il tifel u tifla.
Żied li l-Gvern huwa mpenjat biex jgħin ħalli it-tfal minn ċkunithom jitrawwmu fl-isport. Il-programm ta’ Skola Sport isir b’investiment ta’ 250 elf ewro. Is-segretarju parlamentari Buontempo qal li għall-ewwel darba l-Gvern se jħares biex ma jkunx biss il-Kunsill Malti ghall-Isport li jkun involut fi skola sport, iżda anke d-diversi coaches u clubs mxerdin mal-pajjiż u li jħarrgu t-tfal f’lokalitajiet varji.
Dr Buontempo qal ukoll li fl-iskola nazzjonali tal-isport f’Hal Kirkop, din is-sena daħlu aktar studenti, inkluż għall-ewwel darba, studenti b’diżabilita.
 
Aħbarijiet Oħra
Politika

Il-Prim Ministru Robert Abela qal li r-riżenja ta’ Justyne Caruana mill-kabinett hija turija tal-istandard il-ġdid li l-Gvern irid jimxi bih. Dr Abela qal dan f’kummenti li ta lill-ġurnalisti quddiem il-Parlament,…

Kronaka

F’post fuq il-midja soċjali, persuna xerrdet ritratti tal-karozza tagħha, wara li din kienet involuta f’hit-and-run ftit tal-jiem ilu. Fuq Facebook qalet kif fil-11 ta’ Jannar, ħalliet il-karozza pparkjata f’kaxxa bajda…

Kronaka

Il-Pulizija arrestat raġel ta’ 39 sena mill-Marsa suspettat li wettaq sensiela ta’ serqiet minn ħwienet fl-aħħar ġimagħtejn. L-arrest sar mill-Iskwadra ta’ Kontra r-Reati Vjolenti fi ħdan id-Dipartiment tal-Investigazzjonijiet Kriminali fil-lejl…

Politika

Dr Justyne Caruana ddikjarat li ma kinitx konxja tal-istorja rrapportata fil-midja dwar il-qrubija bejn żewġha, l-eks Deputat Kummissarju Silvio Valletta, u Yorgen Fenech, li huwa s-suspettat mandant ewlieni fil-qtil ta’…

Aktar