Lokali
Se jitħawlu eluf ta’ siġar f’ħames siti fuq art pubblika

Ħames siti fejn hemm artijiet tal-gvern ġew identifikati għal programm ta’ tħawwil ta’ siġar bħala parti mill-pjan tal-gvern ta’ afforestazzjoni f’diversi inħawi tal-pajjiż.

Il-Minsitru responsabbli mill-Ambjent, Josè Herrera, ħabbar din l-inizjattiva waqt attività għall-istudenti f’Lyster Barracks tal-Forzi Armati f’Ħal Far fejn għadhom kif tħawwlu mijiet ta’ siġar.

Il-Wied Santa Katerina f’Burmarrad u Wied Blandun f’Bormla, u tliet bnadi oħra f’Baħar iċ-Ċagħaq u fis-Swatar ġew identifikati biex fihom isir tħawwil tas-siġar bħala parti mill-pjan nazzjonali dwar l-afforestazzjoni f’Malta.

Il-Ministru għall-Ambjent, Josè Herrera qal li dawn huma kollha artijiet tal-Gvern u fihom se jitħawlu siġar indiġini Maltin. “Ma jfissirx li se nagħmlu dawn il-ħames siti biss, għandna siti oħrajna anki akbar, però għadna qed nagħmlu l-analiżi tagħna ħa naraw jekk hemmx terzi li għandhom xi interessi fuqu dan it-territorju u naraw jekk nistgħux imexxu ‘l quddiem.”

Dr Herrera qal li l-ħames siti magħżula jvarjaw minn erba’ jew ħames tomniet sa oħrajn ta’ aktar minn 25 tomna.

Huwa kien qed jitkellem fil-Lyster Barracks fejn għadhom kif tħawwlu mal-400 siġra u mija oħra tħawwlu fil-barracks ta’ Ħal Safi. 330 minnhom huma siġar taċ-ċipress u 70 oħra huma tal-arżnu (pine). Dawn is-siġar ingħataw mill-kumpanija Simply Holdings Limited li tat 500 siġra oħra biex jitħawwlu f’Għawdex.

Dr Herrera qal li l-gvern għaddej bi programm ta’ xogħlijiet f’ġonna pubbliċi, fosthom fil-Buskett, fil-Ġnien l-Għarusa, Ġnien Mintoff u fl-Argotti, fejn se ssir espansjoni tal-Ġnien Botaniku.

Aħbarijiet Oħra
Politika Lokali

Fid-dawl tal-konklużjonijiet dwar l-inkjesta ta’ Egrant, il-Partit tal-Alternattiva Demokratika qal li l-korruzzjoni mhux faċli li tippruvaha. Il-Kelliem tal-AD, Carmel Cacopardo qal li l-Alternattiva Demokratika dejjem qagħdet lura meta bdew ħerġin…

Politika Lokali

F’konferenza stampa dwar il-każ Egrant, il-Kap tal-PN Adrian Delia qal li talab lil Dr Simon Busuttil iġorr responsabbiltà politika u jissospendi ruħu mill-grupp Parlamentari Nazzjonalista. Qal li fid-dawl tal-prinċipji tal-Partit…

Politika Lokali

Id-deputat u l-ex Kap tal-Partit Nazzjonalista Simon Busuttil qal li s-sejħa tal-Prim Ministru biex huwa jirriżenja wara l-eżitu tal-inkjesta fuq Egrant hija redikola. L-inkjesta sabet li l-Egrant ma kinitx tal-Prim…

Immigrazzjoni

Jaslu u jinżlu l-art id-19-il immigrant li ġew salvati fl-ibħra Maltin matul il-lejl li għadda. Il-Forzi Armati kienu bieżla dal-lejl b’operazzjoni ta’ salvataġġ wara li dgħajsa li kienu fuqha 19-il…

Aktar