Lokali
Se jitressqu emendi għat-tiġdid tal-programm taċ-ċittadinanza b’investiment

Malta qalet li huwa ġustifikat li jkun hemm skrutinju internazzjonali fuq il-programmi taċ-ċittadinanza u r-residenza għaliex jista’ jiġu abbużati. Is-Segretarju Parlamentari Julia Farrugia Portelli saħqet fuq dan meta tkellmet lill-operaturi msieħba fl-Investiment Migration Council. F’kummenti lil TVM, is-sinjura Farrugia Portelli qalet li sal-bidu tas-sena d-dieħla ser jitressqu emendi għat-tiġdid tal-programm taċ-ċittadinanza b’investiment. Sadanittant il-programm tar-residenza u l-viza li ma jagħtix ċittadinanza qed jipproċessa mal-elf applikazzjoni minn barranin li applikaw għar-residenza.

Jiem biss wara żewġ rapporti internazzjonali dwar kif mal-mitt pajjiż qed iħaddmu l-programmi ta’ ċittadinanza u ta’ residenza, is-Segretarju Parlamentari Julian Farrugia Portelli qalet li Malta għażlet l-kwalità flok il-kwantità fl-ipproċessar tal-applikazzjonijiet għal dawn iż-żewġ programmi f’din l-indsutrija ġdida.

F’konferenza tal-kunsill tal-migrazzjoni b’investiment, li hija l-assoċjazzjoni dinjija għall-operaturi li jaħdmu f’din l-industrija, is-Segretarju Parlamentari tenniet li l-programmi ta’ Malta qed jitmexxew f’governanza tajba u trasparenza u tenniet li l-OECD inkludiet lil Malta fuq informazzjoni żbaljat fil-lista tal-pajjizi li għandhom programmi li jistgħu jservu għall-evazzjoni tat-taxxa. Qalet li l-Gvern għamel rappreżentazzjonijiet dwar dan mal-OECD stess.

Fuq dan il-punt, il-Kap Eżekuttiv tal-Programm taċ-Ċittadinanza Jonathan Cardona insista li Malta għandha programm taċ-ċittadinanza rigoruż ħafna, b’regolatur indipendnenti li jirrevedi kull applikazzjoni, u anki l-operat ta’ dan il-programm.

Is-Segretarju Parlamentari Farrugia Portelli qalet lil TVM li wara konsultazzjoni pubblika kmieni s-sena d-dieħla, il-Gvern ser jipproponi emendi fil-liġi dwar il-Programm taċ-Ċittadinanza wara li jkun għamel evalwazzjoni anke tar-rapport li mistennija toħroġ il-Kummissjoni Ewropea.

Julia Farrugia Portelli qalet “imbagħad niġbru dawk il-kummenti u rakkomandazzjonijiet u niġbruhom f’punt wieħed, wara l-ħsieb hu li mmorru fil-Parlament bil-pakkett għad-diskussjoni li jkun hemm bżonn”.

Intant, il-Kap Eżekuttiv tal-Programm tar-Residenza u l-Visa Roderick Cutajar qal li Malta għandha s-seba’ l-iktar programm ta’ residenza l-iktar b’saħħtu fid-dinja.

Roderick Cutajar qal “applikazzjonijiet deħlin il-ħin kollu, għandna ‘l fuq minn elf applikazzjoni minn madwar id-dinja, programm imfittex ħafna minn nies ta’ ċertu kalibru”.

Il-programm tar-residenza ġie varat sentejn ilu. Il-barranin li japplika għal residenza u visa f’Malta jrid fost orajn ikollhom dħul ta’ mhux inqas mitt elf ewro fis-sena, u li jkollhom kapital ta’ mhux inqas minn nofs miljun Ewro.

Aħbarijiet Oħra
Stejjer Umani

Mandy Vella li għandha 24 sena biss qed tgħix bi tbatija kbira minħabba li tbati b’Cystic Fibrosis. Hija tgħid li din qed taffettwalha l-pulmun u l-firxa, tbati bil-qtugħ ta’ nifs…

Avjazzjoni

Fl-istorja Maltija tal-avvjazzjoni, l-1969 ma kinitx l-isbaħ paġna. F’temp ta’ tliet xhur, nofs seklu ilu, seħħew żewġ disgrazzji tal-ajru b’ajruplani militari. L-istorja tagħhom hija fost kważi elf inċident tal-ajruplan li…

Lokali

Il-Fondazzjoni Blue Light, imwaqqfa mis-Surġent Simon Schembri mistennija tiftaħ l-ewwel dar tagħha biex tilqa’ fiha uffiċjali tal-forzi dixxiplinati li jweġġgħu waqt il-qadi ta’ dmirijiethom. Il-Ħadd filgħodu f’Ħal Safi saret attività…

Għawdex

Dalgħodu f’Dar Arka, Għajnsielem, saret quddiesa mmexxija mill-Isqof ta’ Għawdex, Mario Grech bħala talba ta’ radd il-ħajr lil Alla fi tmiem il-mandat tal-President Marie-Louise Coleiro Preca. Fi kliem il-President, l-Ewkaristija…

Aktar