Lokali
Se jitwaħħlu barrikati fejn Bieb il-Bombi biex jitnaqqas ir-riskju ta’ inċidenti

Transport Malta avżat li se tkun qed twaħħal barrikati fis-central strip ta’ Triq Nazzjonali, il-Furjana biex tħeġġeġ lin-nies jużaw il-passaġġ taħt it-triq biex jaqsmu. Fi stqarrija Transport Malta qalet li minkejja l-passaġġ mibni apposta, bosta jagħżlu li jaqsmu numru ta’ korsiji b’mod perikoluż. Qalet li x-xogħlijiet biex jitwaħħlu l-barrikati se jibdew illejla u se jkomplu matul il-ġimgħa, bejn it-8.00 ta’ filgħaxija u t-3.00 ta’ filgħodu ta’ kull lejl. Dan bil-għan li jitnaqqas l-inkonvenjent. Qalet iżda li t-triq mhix se tingħalaq.

Transport Malta qalet li dan l-intervent huwa maħsub biex inaqqas ir-riskju ta’ inċidenti f’waħda mill-aktar toroq traffikużi f’Malta. Sostniet li uffiċjali mill-Ministeru qegħdin inaddfu l-passaġġ kuljum u l-Ministeru waħħal kameras tas-sigurtà biex itejjeb is-sigurtà għal dawk li jużawh. Ħeġġet lis-sewwieqa biex joqogħdu attenti, iżommu mas-sinjali tat-traffiku u l-istruzzjonijiet tal-uffiċjali fuq is-sit għas-sigurtà tal-ħaddiema.

Aħbarijiet Oħra
Lokali

Ilhom snin twal ikerrħu l-ambjent f’ċerti inħawi, iżda huma meħtieġa biex jitwassal servizz essenzjali: l-elettriku. Qed nirreferu għal arbli fil-kampanja b’cables imdendla magħhom. Li fihom tajjeb hu li jista’ jasal…

Lokali

Il-midja Taljana qed tkompli tirrapporta bi prominenza l-arrest ta’ Darren Debono ta’ 43 sena, li nqabad f’lukanda f’Lampedusa wara li kien imfittex b’rabta ma’ kuntrabandu tal-fjuwil mil-Libja. Debono, li kien…

Lokali

Jonathan Felice intbagħat disa’ snin ħabs wara li tilef l-appell b’rabta ma’ serqa bil-vjolenza li seħħet f’Ġunju 2006, meta huwa kien għad kellu 17-il sena. Dak iż-żmien anzjana ta’ 81…

Lokali

Il-Gvern ħabbar id-dettalji tar-rigal ta’ €1 miljun li se jkun offrut lil min jikxef informazzjoni konkreta li twassal biex ikun solvut il-qtil ta’ Daphne Caruana Galizia. Fi stqarrija l-Gvern qal…

Aktar