Immigrazzjoni
Sea Watch 3 jsalva 65 persuna erbat ijiem wara li tħalla jsalpa minn Marseille

Il-bastiment Sea Watch 3 qal li kien salva 65 persuna mat-30 mil nawtiku ‘l barra mil-Libja, erbat ijiem wara li tħalla jsalpa minn Marseille, fejn kien qed jiġi miżmum qabel ma l-Qorti waqqfet l-imblokk fuqu.

L-immigranti, li sabu ruħhom f’diffikultà meta kienu f’dinghy, jinkludu persuna b’diżabbiltà, żewġt itrabi, ħamest itfal u tmienja oħra taħt l-età mhux akkumpanjati minn adulti.

Is-Seawatch qalet li l-awtoritajiet Maltin, Taljani, Olandiżi u Libjani kienu ġew infurmati.