Barranin
Seba’ persuni jindarbu wara li ċeda xi blat mill-irdum tal-bajja

Mill-inqas 7 turisti ndarbu iżda ma jidhirx li jinsabu fil-periklu tal-mewt meta ċediet parti minn irdum fil-bajja popolari ta’ Navagio li tinsab fuq waħda mill-gżejjer Griegi ta’ Zakynthos.

Bosta dgħajjes żgħar inqalbu minħabba l-mewġ kbir li kien ikkawżat mill-blat li waqa’ mill-irdum.  Nies li kienu fuq il-post qalu li semgħu ħoss kbir malli tliet blatiet spiċċaw fil-baħar, waħda wara l-oħra.

Navagio, li hija magħrufa bħala l-bajja tan-nawfraġju, hija popolari mat-turisti minħabba li għandha attrazzjoni għax hija mdawra bl-irdum.  Tista’ tintlaħaq biss bid-dgħajsa, tant li tattira eluf ta’ turisti.