Trasport
Sena rekord għat-trasport pubbliku – il-MPT ġarret 53.4 miljun passiġġier

Il-kumpanija li topera s-servizz tat-trasport pubbliku għalqet is-sena li għaddiet b’rekord ta’ ġarr ta’ passiġġieri. Fi tnax-il xahar, il-Malta Public Transport ġarret aktar minn 53 miljun passiġġier bil-karozzi tal-linja tagħha, żieda ta’ ħames miljuni u erba’ mitt elf fuq is-sena ta’ qabel.

B’dawn iċ-ċifri ppubblikati mill-kumpanija, TVM mar il-venda tal-Belt u ħa l-fehma ta’ passiġġieri dwar is-servizz.

Is-sena li għaddiet, il-kumpanija Malta Public Transport li topera s-servizz tat-trasport pubbliku ġarret 53 miljun u 400 mitt elf passiġġier. Fi stqarrija l-kumpanija qalet li b’hekk stabbiliet rekord ta’ passiġġieri li użaw is-servizz tal-karozzi tal-linja f’Malta. Dan l-ammont ifisser żieda ta’ 11.3% fuq l-2017 meta f’dik is-sena, 48 miljun passiġġier użaw it-trasport pubbliku.

Ir-rotot l-aktar imfittxija kienu dawk li jaslu Tas-Sliema, San Ġiljan, Buġibba u ċ-Ċirkewwa. Il-kumpanija qalet li rotot oħra li żiedu fil-popolarità huma dawk li jgħaddu mill-Università u l-Isptar Mater Dei li żiedu l-passiġġieri bi 13%.

L-aktar ġurnata bieżla għat-trasport pubbliku s-sena l-oħra kienet it-8 ta’ Awwissu . . . bil-karozzi tal-linja ġarrew aktar minn 186,000 passiġġier.

Ara x’qalu l-Maltin u anke l-barranin dwar it-trasport pubbliku:

 

Aħbarijiet Oħra
Stejjer Umani

Mandy Vella li għandha 24 sena biss qed tgħix bi tbatija kbira minħabba li tbati b’Cystic Fibrosis. Hija tgħid li din qed taffettwalha l-pulmun u l-firxa, tbati bil-qtugħ ta’ nifs…

Avjazzjoni

Fl-istorja Maltija tal-avvjazzjoni, l-1969 ma kinitx l-isbaħ paġna. F’temp ta’ tliet xhur, nofs seklu ilu, seħħew żewġ disgrazzji tal-ajru b’ajruplani militari. L-istorja tagħhom hija fost kważi elf inċident tal-ajruplan li…

Lokali

Il-Fondazzjoni Blue Light, imwaqqfa mis-Surġent Simon Schembri mistennija tiftaħ l-ewwel dar tagħha biex tilqa’ fiha uffiċjali tal-forzi dixxiplinati li jweġġgħu waqt il-qadi ta’ dmirijiethom. Il-Ħadd filgħodu f’Ħal Safi saret attività…

Għawdex

Dalgħodu f’Dar Arka, Għajnsielem, saret quddiesa mmexxija mill-Isqof ta’ Għawdex, Mario Grech bħala talba ta’ radd il-ħajr lil Alla fi tmiem il-mandat tal-President Marie-Louise Coleiro Preca. Fi kliem il-President, l-Ewkaristija…

Aktar