Lokali
Sena u nofs ħabs sospiżi għal ġuvni ta’ 17-il sena li hedded lil Marlene Farrugia fuq Facebook

Student ta’ 17-il sena kien ikkundannat sena u nofs ħabs sospiżi għal tliet snin wara li ammetta li bagħat theddid fuq Facebook lill-Membru Parlamentari Marlene Farrugia. Fil-messaġġ intqal li Farrugia jista’ jiġrilha bħalma ġara lil Daphne Caruana Galizia.

Il-ġuvni, li ismu ma jistax jixxandar peress li huwa minorenni,  kien akkumpanjat mill-qraba tiegħu. Fl-awla huwa reġa’ skuża ruħu ma’ Dr Farrugia u ddikjara li qed jiddispjaċih u jirtira d-diskors li qal.

Min-naħa tiegħu, l-Avukat ta’ Dr Farrugia qal li matul il-kors tal-ħajja tagħha Dr Farrugia ripetutament irċeviet theddid, iżda filwaqt li qabel kienet tinjorah, minħabba ċirkostanzi attwali ħasset li għandha taġixxi. Qal li riedet twassal messaġġ biex persuni li jagħmlu dawn il-posts iqisu dak li jkunu qed jgħidu.

Minbarra sentenza ta’ ħabs sospiża, il-Qorti ppreseduta mill-Maġistrat Doreen Clarke ordnat lill-ġuvni biex ma jersaqx lejn Marlene Farrugia jew jikkomunika magħha għal tliet snin.

Il-Maġistrat appellat biex qabel niktbu u ngħidu, naħsbu, għax il-messaġġ jista’ jkollu effett fuq min jaqrah ukoll.

L-Avukat Marion Camilleri u l-Avukat Franco Debono dehru għall-akkużat filwaqt li l-Avukat Joe Giglio deher għan-nom ta’ Marlene Farrugia. L-Ispettur Charlotte Curmi mexxiet il-prosekuzzjoni.

Aħbarijiet Oħra
Lokali

Il-Korporazzjoni għas-Servizzi tal-Ilma ħabbret sensiela ta’ proġetti infrastrutturali ta’ aktar minn mitt miljun ewro li ser iżidu l-kwalità tal ilma, inaqqsu l-emissjonijiet, itejbu l-effiċjenza u jipproteġu l-ilma tal-pjan. Il-Kap Eżekuttiv…

Lokali

Christopher Bartolo li qed jiskonta sentenza ta’ ħames snin ħabs waqt li qed jirċievi kura intensiva minħabba kundizzjoni fil-kliewi, se jkollu jibqa’ jistenna biex il-Qorti tiddeċiedi jekk għandux jitħalla joħroġ…

Lokali

Il-Kap tal-Oppożizzjoni, Adrian Delia ppreżenta kawża fil-Prim Awla tal-Qorti Ċivili kontra l-Prim Ministru, l-Avukat Ġenerali, l-Awtorità tal-Artijiet, il-Malta Industrial Parks u l-Vitals Global Healthcare biex il-kuntratt bejn il-Gvern u l-VGH…

Lokali

Festivals Malta permezz tat-Tim Organizzattiv tal-Karnival, ħabbar ir-riżultati li jidhru hawn taħt relatati mal-konkorsi kompetittivi tal-Karnival 2018. Ir-riżultati huma dawn :- KONKORS NRU 1- KARRIJIET TRIJONFALI – KATEGORIJA “A” L-Ewwel…

Aktar