Qorti
Sentenza sospiża wara li ammetta li rċieva apparat misruq bi tpartit mad-droga

Sentenza sospiża għal Jordan Azzopardi wara li ammetta akkużi li rċieva apparat elettroniku misruq b’valur ta’ €32,000 bi tpartit mad-droga. Iż-żagħżugħ ta’ 30 sena madankollu għadu miżmum il-ħabs fuq proċeduri separati b’rabta ma’ akkużi relatati mat-traffikar tad-droga.

Il-każ imur lura għall-Frar u Marzu li għadda, meta investigazzjoni tal-Pulizija wasslet għall-arrest ta’ student Iranjan, Mohammed Kaveh Tahmasebi Ghareh Shiran, li kien ammetta li xtara apparat elettroniku minn stabbiliment f’Tal-Pietà b’cheque book misruq. L-Iranjan intbagħat 4 snin ħabs, iżda s-sentenza ġiet appellata. Hu kien identifika lil Azzopardi bħala l-persuna li aktarx provdielu d-droga għall-oġġetti li seraq. Waqt it-tfittxijiet li saru fir-residenza ta’ Azzopardi f’San Pawl il-Baħar b’rabta mal-investigazzjoni dwar it-traffikar tad-droga, instabu diversi mill-oġġetti misruqa flimkien ma rċevuti relatati magħhom.

Wara li ammetta l-akkuzi u qieset li l-oġġetti misruqa ġew ritornati lil sidhom, il-Maġistrat Caroline Farrugia Frendo kkundannat lil Azzopardi tlettax-il xahar ħabs sospiżi għal tliet snin.

Aħbarijiet Oħra
Press Briefings

Fin-12:30 is-Supretendent tas-Saħħa Pubblika, Charmaine Gauci, se tkun qed tagħti l-aħħar aġġornamenti dwar is-sitwazzjoni tal-Covid-19. Il-konferenza tal-lum se tixxandar dirett fuq TVM, Radju Malta, tvm.com.mt u fuq il-paġna ta’ Facebook Television…

COVID-19

Bil-kliem “Grazzi” u qawsalla kbira fuq il-ġenb b’turija ta’ apprezzament għall-ħidma tal-frontliners fl-imxija tal-COVID-19, ajruplan tad-DHL Express wasal Malta għall-ħabta tad-disgħa ta’ dalgħodu minn Marsilja b’tagħmir mediku. Wara li aktar…

COVID-19

Id-Deputat Prim Ministru u Ministru għas-Saħħa Chris Fearne qal li persuna li ġiet irrappurtata bħala vittma tal-coronavirus, il-virus ma kienx il-kawża prinċipali tal-mewt tagħha. Huwa kien qed iwieġeb għall-mistoqsija parlamentari li…

COVID-19

Anazjan ta’ 97 sena huwa s-seba’ vittma tal-Coronavirus f’Malta. Fi stqarrija mill-Ministeru għas-Saħħa, intqal li l-anzjan kien qed jingħata kura fl-Isptar Karin Grech u kellu sintomi relatati mal-Covid-19 fis-16 ta’…

Aktar