Qorti
Sentenza ta’ 22 xahar ħabs sospiżi għal 3 snin għal Paul Sheehan li nstab ħati li spara lejn raġel li laqat il-karozza tal-ex Ministru Manwel Mallia

Sentenza ta’ 22 xahar ħabs sospiżi għal 3 snin għal Paul Sheehan li nstab ħati li spara lejn raġel li laqat il-karozza tal-Ministru Manwel Mallia f’Novembru 2014, meta Sheehan li kien ex kuntistabbli u xufier ma’ Dr Mallia.

Mill-provi rriżulta li Stephen Smith kien xurban, baqa’ dieħel bil-vettura f’dik tal-ministru u baqa’ sejjer. Sheehan li ra lil Smith jaħrab minn fuq il-post ġera’ warajh bil-karozza u spara żewġ tiri fid-direzzjoni tiegħu qabel dan waqaf.

Il-qorti preseduta mill-Maġistrat Rachel Montebello, ikkonkludiet li għalkemm Sheehan kellu jhedd li jwiddeb lil Smith biex ma jitlaqx minn fuq il-post ma kellux juża forza esaġerata.