Saħħa
Servizz ġdid għall-anzjani f’darhom

Is-Segretarju Parlamentari għall-Anzjanità Attiva, Anthony Agius Decelis ħabbar proġett pilota biex anzjani Mostin u Kalkarizi li ma jistgħux joħorġu mid-dar, jibda jitteħdilhom id-demm mid-dar tagħhom flok imorru fiċ-ċentri tas-saħħa. Is-sur Aguis Decelis qal li dan is-servizz eventwalment ser jinfirex fuq skala nazzjonali.

Ikomplu jiżdiedu s-servizzi għall-anzjani fid-djarhom stess hekk kif sal-lum mal-għaxart elef anzjan jingħataw servizzi mill-gvern fid-dar tagħhom bil-għan li jibqgħu jgħixu fil-komunità.

Is-Segretarju Parlamentari għall-Anzjanità Attiva, Anthony Agius Decelis nieda proġett pilota għal sitt xhur fil-Mosta u Birkirkara biex l-anzjani li jkollhom bżonn jittiħdilhom id-demm dan ikun jista’ jsir f’darhom flok fiċ-ċentri tas-saħħa. Is-sur Aguis Decelis qal li din l-inizjattiva qed isir għall-anzjani li għandhom problema fil-mobilità u jistgħu jitolbu s-servizz billi jagħmlu kuntatt mas-servizz Comm Care tal-Gvern.

Is-Sur Aguis Decelis qal li l-anzjani fil-komunità jgħoddu mal-116,000 u qed issir enfasi biex kemm jista’ jkun l-anzjani jingħatw il-kura fid-dar jekk ma jkunux jistgħu joħorġu.

Anthony Agius Decelis qal “ħa nibdew nistudjaw il-bżonn li jkollna tim ta’ nies li jmorru għall-anzjani li joħdulhom id-demm u jkunu jistgħu jiċċekkjaw id-dożi li għandhom bżonn u l-kwalità titjieb”.

Dr Renzo Degabriele, il-Kap Eżekuttiv tad-Dipartiment tal-Anzjanità attiva qal li se jkunu ingaġġati professjonisti għal dan is-servizz li permezz tiegħu anki se tiġi studjata l-qagħda tal-anzjani. Huwa qal li das-servizz jingħata wara riferta li ssir mit-tabib tal-familja. Dr Degabriele qal li dan is-servizz se jiżdied ma’ dak tal-Comm Care, li fil-preżent qed jipprovdi mal-għoxrin servizz differenti lil anzjani.

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar