Kronaka
AĠĠORNAT: Sewwieq ta’ mutur jitlef ħajtu f’inċident f’Għajnsielem

Taljan li kien qed isuq mutur tilef ħajtu traġikament f’Għawdex.

F’inċident li seħħ għall-ħabta tas-sebgħa u nofs tal-bieraħ filgħaxija fi Triq il-Qala, Għajnsielem, għal xi raġuni l-mutur misjuq minn Taljan ta’ 43 sena kien involut f’ħabta ma’ karozza li kienet qed tinstaq minn mara ta’ 30 sena min-Nadur.

It-Taljan ittieħed għall-kura l-Isptar Ġenerali ta’ Għawdex. Il-kundizzjoni tiegħu mill-ewwel dehret li kienet kritika u ftit tal-ħin wara ġie ċertifikat mejjet l-isptar. Il-mara wkoll ittieħdet l-isptar għall-kura. Iktar tard hija ġiet iċċertifikata li weġġgħet ħafif.

Dwar l-inċident għaddejja inkjesta bil-Maġistrat. Il-Pulizija tad-distrett ta’ Għawdex ħejjew rapport dwar l-inċident.

Aħbarijiet Oħra
COVID-19

Mart il-Prim Ministru, Lydia Abela, qalet li bħala omm qed tuża dan iż-żmien fid-dar biex iktar minn qatt qabel tibni r-relazzjoni ma’ bintha Giorgia. F’messaġġ imxandar fuq il-midja soċjali, Dr…

COVID-19

S’issa hu magħruf li minn tal-anqas żewġ Maltin li jgħixu barra l-pajjiż mietu kawża tal-Coronavirus.  John Grima, artist ta’ 88 sena, miet fil-Kanada fejn emigra f’żgħożitu. It-tieni Maltija li mietet…

COVID-19

Erbat ijiem qabel il-ftuħ tal-istaġun tal-kaċċa fir-rebbiegħa, il-Ministru għall-Intern u s-Sigurtà Nazzjonali, Byron Camilleri, qal li l-Korp tal-Pulizija huwa mgħammar biżżejjed biex iħarrek lill-kaċċaturi li jinstabu li qegħdin jiksru l-liġi. Mill-banda…

Lokali

L-investigazzjonijiet tal-Pulizija dwar tliet delitti li twettqu fl-aħħar disa’ snin, b’metodi li jixbħu ħafna lil xulxin, huma prattikament magħluqa. Il-Pulizija identifikat is-suspettati iżda dawn għadhom mhumiex f’idejn il-Pulizija għax ħarbu…

Aktar