Barranin
Is-sigaretti elettroniċi jwasslu għall-kanċer?

Il-konsum tas-sigaretti elettroniċi qed jiżdied kull ma jmur minħabba li huma meqjusa bħala alternattiva għat-teħid tan-nikotina minn min ipejjep.

Dawn jaħdmu b’likwidu li jissaħħan, magħruf bħala e-juice, u miegħu jitħalltu togħmiet differenti u xi elementi oħra fosthom in-nikotina, sakemm jevaporaw.  Ir-riżultat ta’ dan kollu jikkawża inqas ħsara kemm għal min ipejjep kif ukoll għal dawk li jkunu esposti għat-tipjip.

Iżda l-użu tas-sigaretti elettroniċi dejjem qanqal dibattitu, b’enfasi fuq nuqqas ta’ provi dwar jekk hux ta’ dannu għas-saħħa jew le jekk jintużaw fit-tul u minħabba li jistgħu jħajru lill-adoloxxenti jaqbdu l-vizzju tat-tipjip.

L-aħħar studju li sar, ippubblikat jumejn ilu fir-rivista Pediatrics, sab ħames veleni li jikkawżaw il-kanċer fl-urina taż-żgħażagħ li għandhom 16-il sena u li belgħu d-duħħan tas-sigaretti elettroniċi.  L-istudju sab ukoll li dawn it-tip ta’ sigaretti jħajru liż-żgħażagħ ipejpu s-sigaretti tradizzjonali.

Il-ġimgħa li għaddiet, studju fuq kważi 70,000 ruħ sab li min juża s-sigarett elettroniku kuljum ikun qed jirdoppja r-riskju ta’ attakk tal-qalb.  Jekk dan is-sigarett jibqa’ jintuża kuljum mas-sigaretti l-oħrajn, ir-riskju jiżdied għal ħames darbiet iktar ta’ attakk tal-qalb.

Iżda l-istudji differenti li saru, u l-mod kif xi kultant ix-xjenza u l-politika ma jaqblux f’ħafna kwistjonijiet, ir-riżultati jkunu kontradittorji u jħawdu lil dak li jkun.

L-aħjar ħaġa hija li la wieħed ipejjep is-sigaretti elettroniċi u wisq inqas is-sigaretti tradizzjonali għax it-tnejn li huma jagħmlu ħsara lill-ġisem!

Aħbarijiet Oħra
Barranin

Sigħat biss wara li l-Prim Ministru May salvat minn vot ta’ sfiduċja kontriha fil-Partit Konservattiv, hija ser tkun Brussell biex tiddiskuti t-triq ’il quddiem dwar il-Brexit f’summit ta’ jumejn mal-mexxejja…

Barranin

Il-ministru tal-affarijiet barranin Kanadiż ikkonferma li qed jipprova jagħmel kuntatt mat-tieni ċittadin Kanadiż li hemm tħassib li seta qiegħed jinżamm arrestat fiċ-Ċina. In-negozjant Michael Spavor, li kien ibbażat f’Dandong qrib…

Brexit

Il-Prim Ministru Ingliża Theresa May se tibqa’ fil-kariga wara li kisbet vot ta’ fiduċja llejla u b’hekk se tibda tmexxi lill-Partit Konservattiv Ingliż. Hija rebħet b’200 vot favur u 117…

Trump

Tliet snin ħabs għal Michael Cohen, li kien l-avukat personali tal-President Amerikan Donald Trump waqt il-kampanja presidenzjali. Quddiem il-Qorti Federali Amerikana, Cohen ammetta l-akkużi li kien il-moħħ wara l-ħlas lil…

Aktar