Politika
Simon Busuttil jingħata kariga fil-PPE – se jirriżenja mill-Parlament Malti

Simon Busuttil se jkun qed jirriżenja mill-Parlament Malti wara li ngħata kariga fil-Partit Popolari Ewropew b’effett mill-1 ta’ Marzu.

Fi stqarrija l-Partit Nazzjonalista laqa’ l-ħatra tal-eks Kap tal-Partit Nazzjonalista Simon Busuttil bħala s-Segretarju Ġenerali l-ġdid tal-PPE fil-Parlament Ewropew.

Il-Kap tal-Partit Nazzjonalista, Adrian Delia, qal li din il-ħatra turi mhux biss il-fiduċja li jgawdi Simon Busuttil, iżda turi wkoll ir-rispett li jgawdi l-Partit Nazzjonalista fl-Unjoni Ewropea.

Min-naħa tiegħu, Dr Busuttil qal li permezz ta’ din il-kariga se jkun qed jaħdem biex pajjiżna jerġa’ jirbaħ ir-rispett li qal tilef fl-aħħar snin, u se jkun qed jara wkoll li l-Ewropa tkun fuq in-naħa tal-poplu Malti biex tiddefendi l-valuri tal-ġustizzja u s-saltna tad-dritt f’Malta.

Intqal li Simon Busuttil se jkun qed jirriżenja minn Membru Parlamentari fil-ġimgħat li ġejjin biex b’mod uffiċjali jkun jista’ jassumi l-kariga ġdida tiegħu.

Aħbarijiet Oħra
Kultura

L-Orkestra Filarmonika ta’ Malta se terġa’ tikkollabora ma’ DJ Tenishia għal kunċert bla ħlas, is-Sibt 25 ta’ Lulju, fi Pjazza San Ġorġ il-Belt. Il-kunċert TEMPO se jġedded il-memorja ta’ ħafna…

Infrastruttura

Malta miżgħuda mini li tul is-snin tħaffru għal skopijiet differenti, fosthom għall-produzzjoni tal-ilma tal-pjan. L-aktar popolari x’aktarx huma dawk f’Ta’ Kandja, iżda inqas magħrufa u x’aktarx isbaħ minħabba l-istat naturali…

Sport

Il-Covid-19 ħarbtet il-programm ta’ għadd ta’ attivitajiet sportivi, mhux l-anqas tad-dilettanti tal-karozzi. Is-Sibt li għadda, taħt dawl artifiċjali u b’żiffa ħelwa sajfija, mijiet inġabru fit-trakka tal-Assoċjazzjoni Sport Muturi Karozzi biex…

Politika

Id-deputati li stqarrew li m’għandhomx fiduċja f’Adrian Delia qalu li se jibqgħu determinati li jġibu l-bidla meħtieġa fil-Partit Nazzjonalista u fil-pajjiż. Qalu li għat-tieni darba f’ġimgħa ġie kkonfermat li Dr…

Aktar