Lokali
Siringi fil-latrina tal-bandli – “Irridu nibdlu l-mentalità”

Latrina pubblika f’bandli ffrekwentati minn tfal u adoloxxenti, b’toilet maħmuġ mimli siringi. Dan kien ir-ritratt li ttella’ fuq il-midja soċjali minn persuna li jaħdem maż-żgħażagħ fil-qasam tal-volontarjat, li qed isostni li hemm bżonn bidla fil-mentalità dwar l-abbuż mid-droga.

Ikkuntattjtat minn TVM, Damjan Attard qal li jumejn ilu kellu laqgħa biex jitwaqqaf proġett f’lokalità bil-għan li ż-żgħażagħ ikollhom post sigur fejn jiltaqgħu u jieħdu gost flimkien. Qabel il-laqgħa daħal fil-latrina, u ma’ wiċċu sab din ix-xena.

Spjega li s-Sindku u l-Pulizija mill-ewwel ħadu azzjoni meta ġew infurmati, u li l-isem tal-lokalità huwa irrelevanti. Dan għaliex din mhix problema ta’ lokalità waħda, iżda hija problema li jiddeskrivi bħala waħda nazzjonali.

Attard saħaq li l-abbuż mid-droga huwa rampanti u qed jidher ma’ Malta u Għawdex kollha, ħafna drabi fil-beraħ u kultant anki matul il-jum f’postijiet bieżla bħal pjazez tal-irħula.

Qal li s-siringi spiċċaw fil-latrina għax xi ħadd li jabbuża mid-droga kellu bżonn imur jistaħba, u mhux għax ried jagħmel il-ħsara. Sostna li l-abbuż mid-droga għandu jiġi trattat bħala problema ta’ saħħa u mhux bħala reat bit-tabù kollu li huwa assoċjat miegħu.

Stqarr li għalkemm hemm rieda fuq livell amministrattiv biex is-sistemi jinbidlu, madankollu jrid ikun hemm ukoll bidla fil-mentalità tas-soċjetà inġenerali biex il-vittmi jħossuhom iktar komdi jfittxu l-għajnuna.

Aħbarijiet Oħra
Lokali

Il-Milied jiġi għal kulħadd u jferraħ bosta qlub. Żorna ċ-Centro Spero għal persuni nieqsa mid-dawl fejn ħassejna l-entużjażmu tal-persuni nieqsa mid-dawl li qed iħejji għal produzzjoni tal-Milied bi drama u…

Ekonomija u Finanzi

Statistika tal-Eurostat uriet li fl-2016, in-nefqa ta’ Malta f’għajnuniet soċjali kienet inqas mill-medja Ewropea. Fil-fatt Malta kienet f’sitt post mill-aħħar fost 28 pajjiż tal-Unjoni Ewropea li tonfoq fuq servizzi soċjali….

Brexit

Tkompli titħabbel il-kobba dwar Brexit wara li fl-aħħar jiem il-Prim Ministru Theresa May tidher li spiċċat b’idejha f’idejha meta ma kisbitx garanzija ta’ assigurazzjonijiet dwar il-fruntiera tal-Irlanda mill-mexxejja tal-Unjoni Ewropea….

Brexit

Il-korrispondent tal-BBC, Chris Morris, f’kummenti esklussivi lil Television Malta, stqarr li l-Prim Ministru Ingliża Theresa May s’issa għadha ma kisbitx dak mistenni minn ħafna Parlamentari Ingliżi biex jaċċettaw il-ftehim li…

Aktar