Saħħa
Sistema ġdida li biha l-kura lill-pazjent qed tingħata b’aktar preċiżjoni

Għall-ewwel darba l-Isptar Mater Dei nbidel f’ċentru ta’ eċċellenza hekk kif kardjoloġisti mill-aqwa sptarijiet ġew Malta biex jaraw kif jistgħu japplikaw sistema ġdida li biha l-kura lill-pazjent qed tingħata b’aktar preċiżjoni.

Għal ħafna snin, il-professjonisti fil-qasam tal-kura tal-qalb kienu janalizzaw biss x-ray tal-arterja tal-qalb biex jiddeċiedu x’interventi se jagħmlu, iżda b’investiment li sar is-sena li għaddiet f’Mater Dei, il-kardjoloġisti issa jistgħu jaraw l-arterja minn ġewwa u jevalwaw l-aħjar trattament għall-pazjenti.

L-Isptar Mater Dei għadu kif investa f’tagħmir teknoloġiku avvanzat li bih il-kardjoloġisti m’għadhomx jaraw biss l-angiogram biex jiddeċiedu x’interventi tal-qalb se jagħmlu. Minflok jaraw biss l-arterja minn barra u b’sistema integrata issa jistgħu jaraw bi preċiżjoni l-fiżjoloġija tagħha billi jittawlu ġo fiha u jaraw x’hemm eżatt fosthom il-pressjoni, kemm hi wiesgħa, jekk hemmx xi djuq u x’tip ta’ xaħam li jaf qed jikkawża l-imblukkar.

Iċ-Chairperson tad-Dipariment tal-Kardjoloġija fl-Isptar Mater Dei, Dr Robert Xuereb qal li dan hu żvilupp importanti fil-kura tal-mard tal-qalb f’Malta tant li għall-ewwel darba kardjoloġisti li jmexxu wħud mid-dipartimenti tal-qalb fi sptarijiet fl-Ingilterra, Franza, il-Portugall, il-Kroazja, u l-Brażil żaru Mater Dei li nbidel f’ċentru ta’ tagħlim.

“Huwa breakthrough mhux biss fil-kura tal-pazjenti imma anke fl-edukazzjoni u fit-training, imbagħad aħna ngħallmuhom x’għandhom jagħmlu biex jintroduċu dan f’pajjiżhom. Dawn huma courses li jissejħu centre of excellence courses li jsiru fi sptarijiet speċjalizzati top hospitals fl-Ewropa u issa sirna wieħed minn dawn iċ-ċentri ta’ eċċellenza.”

Riżultat ta’ investiment sostanzjali ieħor f’tagħmir ta’ video-conferencing fl-illustration unit ta’ Mater Dei ukoll, il-kors lill-kardjoloġisti internazzjonali kien wieħed interattiv kif spjega Dr Brian Cassar.

“Ikunu jistgħu jaraw eżatt il-kirirurgu x’qed jagħmel, kif qed jopera, jistgħu jaraw l-output tal-magni diversi li jkun hemm fl-operating theatres u l-iktar ħaġa importanti hu li jistgħu jinteraġixxu f’ħin reali fejn l-udjenza jistgħu jsaqsu mistoqsijiet lill-kirurgu x’qed jiġri u jkellimhom lura.”

Il-mira tad-Dipartiment tal-Kardjoloġija hija li kull sena jorganizza żewġ korsijiet ta’ dan il-livell. Fir-rigward tal-kura lill-pazjenti Maltin, qal li wara x-xogħol li sar is-sena li għaddiet biex ir-raġġi fil-cath suites jitnaqsu b’mod sinifikanti ħafna, issa għaddew xogħol ta’ tħejjija għall-iżvilupp tat-tielet cath suite li tkun iddedikata għal interventi tal-qalb ftit aktar kumplessi.

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar