Lokali
Is-sajjieda se jibdew jiġu kkumpensati jekk jiġbru l-plastik mill-baħar

Il-Ministru għall-Ambjent Jose Herrera ħabbar skema għal sajjieda biex jiġbru l-iskart tal-plastik li jinqabad fix-xbieki tagħhom minn qiegħ tal-baħar. Is-sajjieda ser jiġu kkumpensati għal plastik li jinġabar minnhom. Qal li b’dan il-mod is-sajjieda stess se jikkontribwixxu fl-isforzi ta’ tindif fil-baħar filwaqt li jassiguraw is-sostenibbiltà tal-ħut.

Waqt it-tnedija tal-proġett pilota, il-Ministru għall-Ambjent qal li din l-iskema se tiswa madwar €30,000 u biha s-sajjieda ser jiġu kumpensati meta jirkupraw il-plastik li jsibu fil-baħar biex jiġi riċiklat.

Huwa semma diversi miżuri li qegħdin jittieħdu f’dan il-qasam u qal li din hija ħolqa oħra fil-katina għal ibħra aktar nodfa. “Għandna wkoll inizjattiva biex inbiddlu kif is-sajjieda jistadu tradizzjonalment flok jużaw plastik jużaw materjal biodegradable.”

Is-Segretarju Parlamentari għas-Sajd Clint Camilleri qal li l-ħarsien tal-ambjent tal-baħar huwa prijorità għall-ambjent. Qal li l-iskema hija parti minn fond ta’ €150,000 li tħabbar fil-budget u l-applikazzjonjiet għaliha se jagħlqu fit-28 ta’ Diċembru.

Qal li l-applikanti jridu jkollhom liċenzja tas-sajd u jkunu awtorizzati biex joperaw il-bastimenti tat-tkarkir tal-qiegħ.

Aħbarijiet Oħra
Lokali

Għandha 19-il sena u ma’ TVM irrakkuntat it-trawma kbira li għaddiet minnha minħabba dak li sejħet estremiżmu fit-twemmin ta’ komunità Nisranija. Amy Attard tirrakkonta kif minħabba hekk qed jitkissru għadd…

Riċerka

Il-lenti tal-kamera provdiet għodda lill-fotografi matul is-snin, biex bir-ritratti tagħhom iħallu xhieda tal-passaġġ tal-istorja. Il-fotografu professjonali Kevin Casha ġabar riċerka fuq kważi mitejn sena ta’ fotografija f’pubblikazzjoni li fiha ritratti…

Ippjanar u bini

Proġett li jekk ikun approvat mistenni jbiddel il-kunċett tat-trasport u l-presenza tal-vetturi fit-toroq. Studju dwar il-possibbiltà ta’ proġett ta’ Metro jew Monorail mistenni jkun ippublikat dalwaqt bil-Prim Ministru Robert Abela…

Politika

Id-19-il deputat tal-Grupp Parlamentari tal-Partit Nazzjonalista qalu li f’kull deċiżjoni li qed jieħdu qed jiżguraw li jpoġġu l-interessi tat-tesserati, tal-Partit kif ukoll tal-pajjiż fuq quddiem. Tkompli l-istennija għal direzzjoni mill-President…

Aktar