Barranin
Skont il-WHO lbieraħ kien l-aktar jum b’każijiet tal-COVID-19 fid-dinja

L-Għaqda Dinjija tas-Saħħa ħabbret li lbieraħ kellha l-ikbar ammont ta’ każijiet tal-Covid-19 madwar id-dinja, b’aktar minn mitt elf każ f’erbgħa u għoxrin siegħa. Fid-dinja issa hawn ħames miljun ruħ infettati.

Żewġ terzi minn dawn il-każijiet il-ġodda ġew irreġistrati f’erba’ pajjiżi u wissiet li din il-pandemija se ttul. Minkejja dan bosta pajjiżi inkluż l-Istati Uniti qed joħorġu mil-lock down.

L-iktar pajjiż milqut huwa l-Istati Uniti b’aktar minn miljun u nofs każ, u tnejn u disgħin elf mewt. It-tieni l-iktar pajjiż milqut huwa r-Russja, u wara l-Brażil, ir-Renju Unit u Spanja.