Barranin
Skoperta ġdida fuq dawk li ma jħobbux is-sodda

Jekk int wieħed minn dawk li s-sodda mhix wisq ħabiba tiegħek, jista’ jkun li għal dan taħti l-ġenetika.

Skoperta ġdida tindika li dawk li jorqdu inqas mill-medja għandhom mutazzjoni fil-ġene Adrb1, li ġġiegħlhom jorqdu madwar sagħtejn inqas.

L-istudju kien ippubblikat fir-rivista xjentifika Neuron, u sar minn riċerkaturi fl-Università ta’ Kalifornja, li analizzaw il-ġenetika ta’ familja li torqod inqas minn dak li huwa kkunsidrat normali.

L-esperimenti ssokktaw fuq il-ġrieden, fejn instabet ukoll din il-mutazzjoni fil-ġenetika tagħhom. Fil-ġrieden, din il-mutazzjoni tirriżulta f’madwar siegħa inqas ta’ rqad.

X’aktarx li din il-mutazzjoni twassal għal inqas irqad minħabba l-attività newroloġika li tkun għaddejja fil-ġene Adrb1 waqt l-irqad, fejn l-attività ta’ dawk bil-mutazzjoni hija iktar qawwija, u għalhekk jaf tħarbtilhom ir-raqda.

Aħbarijiet Oħra
Barranin

Fir-Renju Unit, qabżu l-2,900 l-mejta, hekk kif fl-aħħar 24 siegħa mietu 569. L-uffiċjali tas-saħħa qalu li huma frustrati bis-sitwazzjoni prekarja. Aktar minn nofs l-Ingliżi jemmnu li l-gvern tal-Prim Ministru Boris…

Unjoni Ewropea

L-Unjoni Ewropea ħabbret pjan ta’ protezzjoni għall-impjiegi u l-ħaddiema affettwati mill-pandemija. Il-President tal-Kummissjoni Ursula von der Leyen qalet li se tingħata għajnuna finanzjarja lill-istati membri li tammonta għal mitt biljun…

Barranin

L-istatistika tal-qgħad fl-Istati Uniti qed turi li f’ġimgħa waħda kien hemm 6.65 miljun persuna jirreġistraw għax-xogħol. Dan in-numru rdoppja minn ġimgħa ilu, fejn kien hemm 3.3 miljun jirreġistraw għall-benefiċċji tal-qgħad….

Barranin

Shenzhen saret l-ewwel belt fiċ-Ċina li qed tipprojbixxi l-bejgħ tal-klieb u l-qtates biex jittieklu. Id-deċiżjoni qed ikun irrappurtat li ttieħdet wara li l-bidu tal-coronavirus ġie assoċjat mal-konsum ta’ annimali selvaġġi….

Aktar