Lokali
Skultur Malti b’wirja taċ-ċeramika f’Pariġi

L-iskultur Paul Haber se jkun il-mistieden speċjali ta’ Franza fejn se jtella’ esebizzjoni tax-xogħlijiet taċ-ċeramika fil-qalba ta’ Pariġi fis-sala tal-belt li tinsab qrib il-mużew ikoniku tal-Louvre. TVM ltaqa’ mal-iskultur li fisser x’inhuma s-sorsi ta’ ispirazzjoni għax-xogħlijiet artistiċi tiegħu.

Ilu iktar minn 50 sena jipproduċi l-iskulturi biċ-ċeramika. Jiddeskrivi l-proċess artistiku bħala vjaġġ li jittrasportah lejn riflessjoni artistika tat-tiswira tal-elementi tan-natura, u partikolarment jiddakkar mill-enigma u s-sbuħija tal-ibħra mediterranji li jiċċirkondaw il-gżejjer Maltin.

L-iskultur Paul Haber jistqarr li s-sorsi ta’ ispirazzjoni għax-xogħlijiet tiegħu huma mnebbħa mill-ambjent marittimu partikolarment dak mediterranju u Malti. Evidenti wkoll it-tiżwieqa tal-fraġilità u l-enormità tan-natura li jsawwru x-xogħlijiet tiegħu.

Iltqajna miegħu fil-workshop li għandu fl-Imtaħleb fejn huwa mdawwar minn xeni spettakolari tal-kampanja u l-pajsaġġ Malti. Qal li l-iskultura li jkun jixtieq joħloq tkun diġà ċara f’moħħu bil-vjaġġ jieħdu gradwalment lejn id-destinazzjoni aħħarija permezz tal-proċess kreattiv li jagħġen fix-xogħlijiet artistiċi li jikkreja permezz tat-tafal u ċ-ċeramika li huma l-materja prima li juża biex joħloq ix-xogħlijiet tiegħu.

L-iskultur jgħid li fi kwalunkwe xogħlijiet tal-arti hemm xejriet li jiddefinixxu epoki, kulturi u żminjiet differenti iżda l-awtentiċità u t-timbru tal-artist ikunu preżenti konsistentament fix-xogħlijiet tiegħu.

Il-wirja qed tittella’ bl-appoġġ tal-Fond għad-Diplomazija Kulturali tal-Ministeru tal-Affarijiet Barranin.

Aħbarijiet Oħra
Lokali

Waslet fi tmiemha l-Presidenza Awstrijaka tal-Kunsill Ewropew, bl-Ambaxxatur Awstrijakk għal Malta, Andreas Stadler, jgħid li fit-tliet oqsma li l-Presidenza Awstrijaka kienet identifikat bħala l-miri tagħha għall-presidenza ġie reġistrat progress. Semma…

Sigurtà

F’tarzna fl-Italja beda x-xogħol fuq l-akbar investiment li qatt daħlet għalih l-armata Maltija: il-bini ta’ patrol boat kbira bi spiża ta’ madwar €50 miljun. Hu pjanat li sa sentejn oħra…

Lokali

Inawgurat ilejla l-għaxar edizzjoni tal-presepju ħaj: “Bethlehem f’Għajnsielem” . . . l-ewwel attrazzjoni tal-Milied mal-wasla f’Għawdex li ta’ kull sena jilqa’ eluf ta’ viżitaturi biex iġeddu l-esperjenza tat-twelid ta’ Ġesù….

Kronaka

Raġel ta’ 60 sena weġġa’ fil-korsa tal-Marsa llum għall-ħabta tas-1.30 ta’ waranofsinhar. Il-Pulizija qalet li l-inċident seħħ waqt li kienu għaddejjin it-tiġrijiet taż-żwiemel. Ir-raġel, li joqgħod ix-Xewkija, ttieħed l-isptar Mater…

Aktar