Lokali
Soru tirrakkonta x’tara ma’ wiċċha waqt li tirriskja ħajjitha biex tgħin in-nies f’Damasku

Suor Annie Demrjian se taqsam l-esperjenza tagħha f’Aleppo u f’Damasku waqt taħdita li se ssir f’Malta. Hi se titkellem dwar it-tbatija kbira li għadda u qed jgħaddi minnha l-poplu Sirjan.

Suor Annie tirriskja ħajjitha biex twassal l-għajnuna fil-qalba tal-kunflitt li qed jifni lis-Sirja. Hekk kif il-kriżi umanitarja kompliet tmur għall-agħar f’Aleppo, hija kkordinat tim ta’ voluntiera biex imorru bieb bieb u jipprovdu għajnuna bażika, speċjalment lill-morda u l-anzjani maqbuda f’Aleppo. Parti mill-ħidma tagħha hija li tgħin 550 familja. It-tim għen lil dawk li kellhom bżonn kbir ta’ ikel, fjuwil għas-sħana, provvista ta’ dawl elettriku, ilma tax-xorb, ħwejjeġ u rigali tal-Milied għat-tfal. Dawn il-proġetti t’għajnuna kollha ġew iffinanzjati mill-Aid to the Church in Need, bl-għajnuna ġeneruża tal-benefatturi.

Suor Annie Demerjian issa hija bbażata f’Damasku, fejn qed twassal għajnuna umanitarja u kura pastorali b’riskju personali kbir. Damasku ġarrab żieda ta’ vjolenza, speċjalment fil-Lvant ta’ Ghouta, li hija żona kkontrollata mir-ribelli, b’rapporti ta’ aktar minn 900 persuna maqtula.

Mit-22 ta’ Jannar 2018, bosta żoni f’Damasku, fis-subborgi tal-Lvant, sofrew ukoll attakki bil-bombi u bil-balal, partikolarment f’Bab Touma, Abbassyin, Kassaa, Koussour u Jaramana. Ħafna Kristjani jgħixu f’dawn l-inħawi, u hemm bosta kunventi u monasteri, inkluż il-kunvent fejn tgħix Suor Annie Demerjian. Minn Frar, aktar minn 200 bomba laqtet il-kwartieri tal-Ilvant ta’ Damasku fejn mietu 28 persuna u sfaw midruba 90 oħra.

Matul it-taħdita li se ssir nhar il-Ġimgħa 16 ta’ Marzu fil-Knisja tal-Bon Pastur, Ħal Balzan, fil-5pm, se jintwerew xi filmati reċenti mis-Sirja.

It-taħdita hija organizzata minn Aid to the Church in Need (Malta).

Aħbarijiet Oħra
Infrastruttura

Wara d-dehra mill-isbaħ li ħadet il-funtana ta’ Tritoni bis-saħħa tar-restawr, persuni li fl-aħħar jiem ittawlu fil-funtana kienu ddiżappuntati meta nnutaw li l-qiegħ kien qed jittebba’ xi ftit. It-tebgħat jidhru donnhom…

Kultura

Il-kantanta Taljana Francesca Alotta tinsab Malta biex għada tkanta flimkien mal-istudenti tal-iskola Mater Boni Consilii Saint Joseph, Raħal Ġdid, f’kunċert b’risq l-Istrina. F’intervista ma’ TVM, Francesca Alotta tkellmet fuq esperjenzi…

Qorti

Żewg Egizzjani li kienu fi triqithom lejn pajjizhom bil-flus li tawhom kollegi taghhom biex jghadduhom lill-familji, spiċċaw fil-għali. Huma ġew akkużati li kienu qed iġorru flus iktar milli tippermetti l-liġi….

Kisbiet

Għandha 93 sena, u kienet fost l-ewwel nisa li servew bħala deputati fil-Parlament. Ann Agius Ferrante, li kienet bint l-ex avukat ġenerali Philip Pullicino, tirrakkonta mumenti ħelwin kemm mal-ex Prim…

Aktar