Lokali
Spazju Kreattiv b’440 attività li se jżewqu l-programm Valletta 2018

Spazju Kreattiv, iċ-ċentru nazzjonali għall-kreattività fil-Kavallier ta’ San Ġakbu fil-Belt ħabbar il-programm ta’ attivitajiet għall-istaġun il-ġdid mifrux minn issa sa Lulju tas-sena d-dieħla. Il-programm jinkludi aktar minn 440 attività u fih bosta inizjattivi li jiffurmaw parti mill-programm ta’ Valletta 2018 – Kapitali Ewropea tal-Kultura.

Mużika elettronika ppreżentata mill-għaqda Electronic Music Malta. Din hi għaqda li fl-aħħar xhur tat bidu għall-kollaborazzjoni ma’ Spazju Kreattiv fil-Kavallier ta’ San Ġakbu fil-Belt u qed tippreżenta bosta attivitajiet hawnhekk, kif se tkun qed tagħmel tul l-istaġun il-ġdid li jibda minn dan ix-xahar u jibqa’ sejjer sa Lulju tas-sena d-dieħla. Fit-tnedija għall-istaġun il-ġdid, id-direttur artistiku ta’ Spazju Kreattiv, Toni Sant, qal li l-programm imħejji għax-xhur li ġejjin jorbot ma’ tliet punti: l-identità, id-diversità u l-eredità li huma ċentrali fil-viżjoni strateġika taċ-ċentru.

Mistoqsi dwar ix-xejriet fl-attendenza, Dr Sant qal lil tvm.com.mt li qed jinnotaw uċuħ ġodda kemm mill-pubbliku u minn artisti li qed jidħlu f’kollaborazzjoni ma’ Spazju Kreattiv.

“U dak kien propju parti mit-tir tagħna li niddiversifikaw l-udjenza tagħna. Fl-istess waqt din l-idea ta’ diversifikazzjoni torbot mal-artisti. Jiġifieri n-nies fil-qasam kreattiv huma tip ta’ nies differenti li forsi qabel ma kinux iħarsu lejn l-organizazzjoni tagħna bħala waħda li jistgħu jikkollaboraw magħha jew inkella lanqas biss kienu jeżistu qabel,” qal Dr Sant.

Il-programm tal-istaġun li jmiss ta’ Spazju Kreattiv jinkludi 14-il produzzjoni teatrali fil-maġġoranza xogħlijiet ġodda, kunċerti u esebizzjonijiet artistiċi fosthom waħda taċ-Ċentru Kulturali taċ-Ċina u oħra kollettiva minn artisti Maltin u Pollakki. L-iskeda taċ-ċinema tinkludi festival ta’ films mill-Estonja u l-Festival Internazzjoanli tal-Films fil-Belt.

Bil-programm tal-istaġun se jaħbat mal-perjodu li fih il-Belt se tkun il-kapitali Ewropea tal-Kultura, Toni Sant, qal li qed jaħdmu id f’id mal-Fondazzjoni Valletta 2018 biex inizjattivi li se jsiru f’dan il-perjodu jiġu inklużi fil-programm ta’ Spazju Kreattiv għas-snin ta’ wara.

Aħbarijiet Oħra
Lokali

F’konferenza tal-aħbarjiet, il-Ministru tal-Familja Michael Falzon ħabbar li ser jitneħħa l-obbligu li persuna tippreżenta ċertifikat mediku kull ġimgħa fuq mard fit-tul biex tkun tista’ titħallas il-benefiċċju tal-mard. Il-Ministru Falzon qal li…

Lokali

Emanuel Navarro se jinżamm arrestat wara li ġie akkużat b’theddid fuq l-Ewroparlamentari Roberta Metsola. Dan wara li fuq Facebook, Navarro kiteb li Dr Metsola hija traditura u qal li “nies…

Lokali

Raġel ta’ 41 sena miż-Żurrieq intbagħat sitt snin ħabs wara li ammetta li prova joqtol lill-eks mara tiegħu meta taha daqqiet b’sikkina fl-istonku. Id-daqqiet kienu profondi tant li kienet ittieħdet…

Lokali

4 ijiem wara d-delitt u l-feriment f’Ħ’Attard, jidher li fil-mira kien hemm is-sid tal-ħanut tat-tapezzerija Raymond Grima.  Dan ħareġ mill-investigazzjonijiet li saru s’issa mill-Pulizija, li fi stqarrija qalu li dawn…

Aktar