Lokali
Spiċċa l-ħabs għax ried bilfors jara l-kelb tal-eks mara

Raġel intbagħat il-ħabs wara li baqa’ jinsisti li jrid jara l-kelb tal-eks mara tiegħu.

Fil-Qorti nstema’ kif il-koppja sseparat f’Awwissu 2015 iżda r-raġel ried jibqa’ jara l-kelb li hu anzjan u wasal biex imut.

Il-mara tellgħetu l-Qorti wara li għamlet rapport fuq vjolenza domestika. Fil-Qorti nstema’ li r-raġel kien sorpriż meta sar jaf b’dan ir-rapport u ddeċieda li jitla’ l-Qorti mingħajr assistenza ta’ avukat għax fi kliemu ħaseb li l-affarijiet setgħu jittranġaw b’mod amikevoli. Madankollu fil-Qorti huwa ntalab li jiffirma ordni ta’ protezzjoni biex ma jersaqx lejn l-eks mara tiegħu, liema ordni huwa ċaħad li jiffirma għax ried li jara l-kelb. Id-deċiżjoni tiegħu waslet lill-Qorti biex iżommu arrestat għal 10 t’ijiem.

F’seduta oħra fil-Qorti, instema’ li meta kien fil-ħabs ir-raġel għamel kuntatt ma’ sieħbu biex jgħinu jsib avukat għas-seduta li kien imiss. Huwa skonta 9 t’ijiem arrestat mis-sentenza ta’ 10 t’ijiem. Ir-raġel xehed li hu ma ffirmax l-ordni ta’ protezzjoni għax xtaq li l-Qorti tisma’ l-verżjoni tiegħu.

Min-naħa tagħha l-mara xehdet li fix-xahar li huma sseparaw, l-eks raġel tagħha mar fil-blokka tal-appartamenti tagħha biex jara l-kelb. Qalet li minkejja li għalqet il-bieb ta’ barra u ma ħallitux jidħol, huwa baqa’ jdur fil-kurutur tal-blokka u jgħajtilha b’titli differenti. Żiedet tgħid li ċemplet lill-Pulizija iżda laħaq telaq sakemm waslu l-pulizija.

Minkejja li l-Prosekuzzjoni xehdet li kienet irċeviet rapport ta’ vjolenza domestika u theddid mir-raġel li se jippubblika ritratti intimi tal-mara li ttieħdu meta kienu miżżewġin, fil-Qorti l-mara ammettiet li l-eks raġel tagħha kien baqa’ jipprova jagħmel kuntatt magħha biex jara l-kelb. Hija qalet li ġieli bagħtilha xi emails ukoll biex forsi jara l-kelb. Żiedet tgħid li wara li ġiet ordnata l-ordni tal-protezzjoni hija rranġat biex l-eks raġel tagħha ikun jista’ jara l-kelb permezz ta’ terzi persuni.

Il-każ mistenni jkompli jinstema’ x-xahar id-dieħel.

Aħbarijiet Oħra
Knisja Maltija

Riċerka ppubblikata fl-aħħar jiem tixħet dawl dwar l-ewwel attentati għas-separazzjoni tal-poteri bejn Stat u Knisja f’Malta. Kien Nicolo’ Muscat – figura prominenti fl-amministrazzjoni tal-Ordni tal-Kavallieri – li f’nofs is-seklu 18…

Lokali

Ġimgħa wara d-delitt ta’ omm żagħżugħa f’Raħal Ġdid li allegatament inqatlet mis-sieħeb tagħha, bosta għaqdiet speċjalment tan-nisa komplew jitkellmu b’diversi stqarrijiet dwar dan il-femiċidju u l-problema tal-vjolenza domestika. Mill-banda l-oħra…

Annimali

L-Assoċjazzjoni Exotic Finch Malta qed tagħti opportunità oħra lill-pubblika japprezza l-ġmiel ta’ 500 għasfur li minkejja li l-oriġini tagħhom hija barranija tfaqqsu f’Malta wara ħafna studju u esperementazzjoni. Il-wirja li…

Lokali

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema…

Aktar