Lokali
AĠĠORNAT: Stampat l-ewwel lott ta’ karti siguri għall-passaporti l-ġodda

Id-dokument tal-passaport Malti se jinbidel. Bi tħejjija għal dan l-iżvilupp, fil-fabbrika tal-kumpanija De La Rue fir-Renju Unit tlesta l-istampar tal-ewwel lott ta’ karta sigura biex tintuża fl-istampar tad-dokumenti tal-passaport Malti.

Stqarrija tas-Segretarjat Parlamentari għar-Riformi, Ċittadinanza u Simplifikazzjoni tal-Proċessi Amministrattivi ntqal li meta tidħol fis-seħħ din il-bidla, mhux ser ikun hemm ħlas addizzjonali mat-tariffi eżistenti ghal passaporti l-godda. Ġie spjegat li d-dokumenti eżistenti se jibqgħu validi u jinbidlu mal-godda meta jiskadu.

Is-Segretarju Parlamentari Julia Farrugia Portelli, qalet li l-passaporti l-godda ser jibdew jinhargu b’mod gradwali aktar tard din is-sena.

“Il-passaporti tal-Maltin u l-Għawdxin se jibdew jinbidlu ftit ftit fix-xhur li ġejjin hekk kif kull passaport jidħol għad-data tal-iskadenza tiegħu. L-elementi ġodda ta’ sigurtà kif ukoll l-elementi kulturali li jirrappreżentaw u li jgħaqqdu lill-Maltin u l-Għawdxin se jkunu preżenti fil-passaport il-ġdid.”

Fiż-żjara lill-fabbrika ta’ De La Rue li tipproduċi l-karta sigura, is-Segretarju Parlamentari Farrugia Portelli kienet akkumpanajta minn uffiċjali tal-Aġenzija Identity Malta. Il-karta sigura se tiġi esportata lejn Malta, biex imbagħad l-istampar tad-dokument il-ġdid tal-passaport jsir fil-fabbrika tad-De La Rue f’Malta. Intqal li l-passaport il-ġdid se ikollu ċippa elettronika mehmuża fiha biex tiġi verifikata l-identità tal-persuna.

Ġdid fid-dokument tal-ivjaġġar hu d-disinn tal-paġni ta’ ġewwa, li se jkollhom xeni li juru l-identità kulturali u l-wirt tal-partimonju Malti. Identity Malta qalet li dawn l-immaġini mhumiex maħsuba biss għall-estetika iżda fihom elementi ta’ sigurtà bħala prevenzjoni mill-iffalsifikar.

Aħbarijiet Oħra
Infrastruttura

Il-Korporazzjoni għas-Servizzi tal-Ilma minn għada se tibda tiswijiet fis-sistema ta’ katusi f’qiegħ il-baħar li jintuża għar-rimi ta’ drenaġġ trattat mill-impjant ta’ Għawdex. Il-ħidma delikata li għandha tieħu madwar tliet ġimgħat…

Kronaka

Raġel ta’ 33 sena weġġa’ gravi f’inċident bil-mutur f’Birkirkara. Il-Pulizija kienet infurmata bl-inċident fi Triq il-Wied għall-ħabta tal-4.45pm. Fi stqarrija l-Pulizija qalet li s-sewwieq, li jgħix il-Pietà, kien qed isuq…

Saħħa

F’Malta hawn madwar 7,000 persuna li għandhom id-demenzja, bl-istudji juru li l-għadd mistenni jiżdied għal mill-inqas 13,000 sal-2050. L-esperti jemmnu li din hija biss ix-xifer tal-istampa, minħabba li għadd ta’…

Stejjer Umani

Għalkemm il-Maltin ikunu qed jistennew is-sajf bil-ħerqa biex jaqtgħu xi ftit mir-rutina ta’ kuljum tax-xogħol, mhux l-istess jista’ jingħad għal Alfred Attard li ilu aktar minn 40 sena jiġbor il-melħ…

Aktar