Tfal
Standards ġodda għal tfal li jinsabu f’ħarsien alternattiv

Tfasslu standards ġodda għal tfal li jinsabu f’ħarsien alternattiv li għal xi raġuni jew oħra mhumiex fil-kustodja tal-ġenituri tagħħom u jgħixu fi djar tat-tfal jew ma’ familji li jiffosterjaw. L-istandards għandhom l-għan li jassiguraw li dawn it-tfal jingħataw il-kura u l-attenzjoni li jixirqilhom.

Tniedew żewġ settijiet ta’ Standards Soċjali Regolatorji għal konsultazzjoni pubblika li għandhom jassiguraw l-interessi tat-tfal li jgħixu f’ħarsien alternattiv.

Il-Kap Eżekuttiv tal-Awtorità għall-Ħarsien Soċjali u l-Istandards, Matthew Vella spjega li f’Malta hawn qrib 400 tifel u tifla li jgħixu f’ħarsien alternattiv, bi kważi nofshom jgħixu fi djar residenzjali u oħrajn ma’ familji li jiffosterjaw.

”Illum fl-istandards għandna dokument li jingħata lill-professjonist biex ngħidulu b’mod tanġibbli x’affarijiet irid jagħmel, kull kemm irid jagħmel review tal-każijiet, kif għandhom ikunu d-djar residenzjali, x’għandu jkun l-ambjent u x’għandu jkun l-ikel li jingħata lit-tfal, l-aspett tas-saħħa, kien introdott l-element ta’ saħħa”

Is-Sur Vella qal li l-istandards jispeċifikaw ir-responsabbiltajiet tas-servizzi mogħtija mill-uffiċjali tal-aġenzija responsabbli għall-ħarsien tat-tfal u jelenkaw ir-responsabbiltajiet tal-persuni li jkunu fdati bit-tfal.

Il-Ministru għall-Familja u d-Drittijiet tat-Tfal, Micheal Falzon qal li l-istandards tfasslu wara djalogu u konsultazzjoni mal-istakeholders.

”L-istandards ma għamilnihomx biex xnirreaġixxu għal xi nuqqasijiet partikolari, kien hemm standards ukoll qabel, u ovvjament id-dinja tinbidel, dak li kien jgħodd u tajjeb għall-għaxar u għoxrin sena ilu ma għadux jgħodd illum, u għandna awtorità ġdida li xogħolha huwa preċiżament li tissettja dawn l-istandards.”

Il-konsultazzjoni pubblika dwar dawn l-istandards ser tibqa’ sejra sat-12 t’Awwissu.

Aħbarijiet Oħra
Lokali

Fil-Palazz tal-President għaddej ix-xogħol fuq l-akbar proġett li qatt kellha Heritage Malta fl-istorja tagħha. Għadd kbir ta’ ħaddiema qed jaħdmu fuq xogħliiet differenti minn bdil tas-soqfa sar-restawr tal-pitturi. Il-ħsieb huwa…

COVID-19

Grupp ta’ xufiera tal-karozzi tal-linja ilhom fuq xahrejn isuqu vetturi tal-gvern minflok xarabanks. Il-kumpanija Malta Public Transport qed tipprovdi dawn ix-xufiera li ta’ kuljum qed iwasslu għal swab test fiċ-ċentri…

Trasport

Minn għada t-Tnejn, l-ewwel ta’ Ġunju, ser jerġgħu jitħallew isiru l-eżamijiet, kemm prattiċi u tat-teorija, għal-liċenzji tas-sewqan. L-eżamijiet kienu twaqqfu lura f’Marzu minħabba l-imxija tal-COVID-19 u issa ser ikomplu b’għadd…

Lokali

Inkjesta Maġisterjali li nvestigat denunzji li tressqu mill-għaqda Repubblika b’allegazzjonijiet dwar qtil ta’ immigranti, u attentat ta’ qtil ta’ oħrajn ix-xahar li għadda, sabet li dawn ma kinux imsejsa fuq…

Aktar