Barranin
STATI UNITI: Għasfur rari joqtol lil sidu wara li waqa’ fil-bitħa

Għasfur ġgantesk u perikoluż ħafna minħabba d-dwiefer twal li għandu qatel lil sidu stess wara li waqa’ fil-bitħa ta’ wara fir-residenza tiegħu fi Florida, fl-Istati Uniti.

Skont is-CNN sid l-għasfur, Marvin Hajos li għandu 75 sena, ċempel għall-għajnuna l-Ġimgħa filgħodu, filwaqt li saret telefonata oħra għall-għajnuna medika urġenti iktar tard mingħand persuna li marret fuq il-post biex tassisti lill-anzjan.

Jirriżulta li Hajos ittieħed fl-eqreb sptar, fejn miet ftit tal-ħin wara.  L-għasfur tat-tip cassowary, li qisu emu imma ikbar fid-daqs, tħalla fir-residenza tal-vittma sakemm isiru l-investigazzjonijiet dwar il-każ.

Sid l-għasfur kien irabbi lil dan l-għasafur rari mill-Awstralja u New Guinea.  Il-mewt qed titqies bħala inċident, iżda jidher li r-raġel waqa’ u minnufh ġie attakkat mill-għasfur.

Il-Kummissjoni ta’ Florida li taħdem għall-Konservazzjoni tal-Annimali Slavaġ qalet li dawn it-tip ta’ għasafar huma ta’ periklu għall-bniedem u suppost jinżammu f’gaġġa speċifika, filwaqt li s-sidien irid ikollhom ċertu esperjenza biex irabbuhom.

Għalkemm ma jitqiesx mal-iktar annimali perikolużi fid-dinja bħalma huma l-iljuni, it-tigri u l-orsijiet, madanakollu il-cassowary huwa kkunsidrat bħala l-iktar għasfur perikoluż fid-dinja, minħabba li difrejh jaqtgħu bħal sejf.

Aħbarijiet Oħra
Barranin

Ta’ kull filgħodu Vinod Kapri, Indjan li jaħdem fix-xena tal-films minn New Delhi jiċċekkja Twitter. Biss ftit kien jaf li dik it-tfittxija fuq Twitter mhix tas-soltu u se tibdillu ħajtu….

Barranin

F’Toronto l-Kanada, erba’ persuni indarbu fi sparar li seħħ waqt ċelebrazzjoni għar-rebħa tat-tim tal-Basketball Toronto Raptors. L-attakk seħħ matul il-jum, waqt li eluf ta’ nies entużjasti għal dan it-tim tal-basketball…

Barranin

L-ex president Eġizzjan Mohammed Morsi miet fil-Qorti waqt li kienet qed tinstema x-xhieda kontrih. Morsi ħassu ħażin u miet fl-awla. Morsi, li kellu 67 sena, kien qed jattendi smigħ tas-seduta…

Barranin

Dokument ippubblikat illum mill-Vatikan ħabbar l-intenzjoni li s-sinodu jiddiskuti l-possibiltà li rġiel miżżewġa f’partijiet mill-Amerka Latina jitħallew jidħlu għas-saċerdozju. Il-materja se tittella’ quddiem is-sinodu, li se jitlaqqa’ f’Ottubru li ġej,…

Aktar