Barranin
STATI UNITI: Tħalli lis-7 itfal imsakkrin fil-karozza sakemm tmur tixtri

Il-Pulizija ta’ Maryland irċevew telefonata biex isalvaw 7 itfal li spiċċaw imsakkrin fil-karozza sakemm ommhom marret tixtri.

It-tfal li għandhom bejn is-sentejn u l-4 snin ċemplu għall-għajnuna fuq in-numru 911 għax kienu ilhom iktar min-nofs siegħa msakkrin fil-karozza t’ommhom.

Wieħed mit-tfal qal lill-Pulizija li l-karozza kienet ipparkjata bit-twieqi mtellgħin u huma kienu qed iħossu s-sħana.

Ftit minuti wara, intbagħtet l-għajnuna lit-tfal li kienu fil-karozza pparkjata f’parkeġġ ta’ ċentru kummerċjali.

Jidher li kien it-tifel il-kbir, ta’ 4 snin, li ċempel għall-għajnuna, bil-Pulizija rnexxielhom jintraċċaw fejn qegħda l-karozza mis-sinjali tal-mobile.

L-omm irritornat fil-karozza madwar 10 minuti wara li laħqu waslu l-Pulizija u spiċċat arrestata talli ħalliet lil uliedha msakkrin fil-karozza għal iktar minn 30 minuta.

Aħbarijiet Oħra
Barranin

Il-preżenza tal-mikroplastiċi fl-ilma li nixorbu ftit li xejn hija ta’ detriment għall-bniedem. Dan qalitu l-World Health Organisation (WHO) f’rapport li jassigura li dan ma jikkawżax ħsara lis-saħħa tal-bniedem. Skont ir-rapport,…

Barranin

Fil-Brażil, tkompli tisħon il-qiegħa bejn il-President Jair Bolsonaro u l-għaqdiet ambjentali. Dan wara li statistika tal-aġenzija spazjali turi li din is-sena, l-ikbar pulmun fid-dinja . . . l-Amażonja . ….

Barranin

F’Madrid, raġel spiċċa arrestat fuq akkużi li nemmes taħt id-dbielet ta’ aktar minn 550 mara u li ġibdilhom filmati biex tefagħhom onlajn. Ir-raġel huwa Kolumbjan ta’ 53 sena u qed…

Barranin

L-Ispeaker ta’ New Zealand ħa inkarigu mhux tas-soltu meta spiċċa jisqi tarbija waqt xogħol tal-Kamra. L-Ispeaker Trevor Mallard ħa f’dirgħajħ it-tarbija tad-deputat Parlamentari Tamati Coffey, li ħabbar it-twelid ta’ ibnu…

Aktar